ताप्लेजुङ, १२ फागुन । संघीय लोतान्त्रिक राष्ट्रिय मञ्च अन्तर्गत संघीय लिम्बुवान प्रान्तीय मञ्च, नेपाल ताप्लेजुङ जिल्ला निर्वाचन ‘क’ को क्षेत्रीय तदर्थ समिति गठन भएको छ । मञ्चका प्रान्तीय उपाध्यक्ष इन्दीरा मेन्याङ्बोको प्रमुख आतिथ्यतामा आयोजित कार्यक्रमले दिपेन्द्र माङमुका संयोजकत्वमा तदर्थ समिति गठन गरेको हो ।

उक्त तदर्थ समितिको सदस्यहरुमा मनोज मेन्याङ्बो, विशाल राई, पूर्ण तमलिङ्, राजेन्द्र काङ्गभा, प्रेमराज लिङ्देन, तेज तुम्याहाङ, भीम लिङखिम र सदस्यसचिवमा पद्य सिंह मावो रहेका छन् ।

कार्यक्रममा मञ्चका प्रदेश समन्वय समिति सचिव भविराज तुम्सा, संघीय सदस्य रमला लिम्बु, जिल्ला अध्यक्ष भुपेन्द्र मावो, उपाध्यक्ष राम लिम्बु, अर्थसचिव केदार ताम्लिङ, जिल्ला सदस्य भिम सेनेहाङ त्यसैगरी पालिका अध्यक्ष मनोज मेन्याङबो, अर्थसचिव भिमराज लिम्बु लगायत नेताहरुको उपस्थिति रहेको जिल्ला अध्यक्ष मावोले जनाएका छन् ।

आगामी फागुन २८ गते क्षेत्रीय समितिको अधिवेशन मञ्चका अध्यक्ष कुमार लिङदेन मिराकको प्रमुख आतिथ्यतामा गर्ने निर्णय भएको अध्यक्ष मावोले बताए ।