ताप्लेजुङ, १२ फाल्गुन । संघीय लोकतान्त्रिक राष्ट्रिय मञ्च अन्तर्गत संघीय लिम्बुवान प्रान्तीय मञ्च, नेपाल ताप्लेजुङले घरदैलो कार्यक्रमलाई तिब्रता दिएको छ । विभिन्न पार्टीहरु परित्याग गरि ३० भन्दा धेरैजना मेरिङदेन २ सान्थाक्राबाट लिम्बुवान मञ्चमा प्रवेश गरेका हुन् ।

उनीहरुलाई मञ्चका प्रदेश समन्वय समिति सचिव नविन पोमू, लिम्बुवान प्रान्तीय सचिव मुक्साम लाबुङ, प्रान्तीय सचिव रीता मादेन र प्रान्तीय सदस्य रुपा चोङबाङ लगायत नेताहरुको उपस्थितिमा बुधबार पार्टीमा प्रवेश गराइएको स्रोतले जनाएको छ ।

यसैगरी सान्थाक्रा हाङजाममा देवेन्द्र नाल्बोको अध्यक्षतामा ४३ सदस्यीय टोल समिति गठन भएको छ । समितिको गणेश केदेम, सचिबमा सेसे केदेम, सह–सचिबमा मनकुमार यक्सो र अर्थ–सचिबमा बुद्धिमान आवाजुङ चयन भएका छन् ।

यसरी नै सदस्यहरुमा वीर ब केदेम, मन कुमार माङ्मु, बुद्ध माया सावा केदे, रुपा मादेन केदेम, सलिन श्रेङ्ग लिम्बू, रमित मदेन्छन कुन्त, मन कुमारी श्रेङ्ग, टंक माया केदेम, बाल कुमारी केदेम वने, कबिता केदेम, सुमित्रा केदेम, सनेस केदेम, नरेन्द्र केदे, सुस्मा केदेम, खगेन्द्र यक्सो, बिस्णु यक्सा, मन कुमार यक्सो, मात्रीका यक्सो, पदम यक्सो, गोबिन्द यक्सो, धन प्रसाद आवाजुङ, मिना कुमारी बि क, बिस्णु माया यक्सो, नर कुमारी आवाजुङ, राजेस यक्सो, जीवन यक्सो, गगन केदेम, अम्मर बि क, विशाल नेयोङ, सुभाष यस्को, तारा सिंह यक्सो, राम कुमारी लिम्बु र धन ब नाल्बो चयन भएका छन् ।

यसरी नै सल्लाहकार समितिमा सुभास नाल्बो, खगेन्द्र यक्सो, मिस्लाखहाङ यक्सो, नरेश यक्सो र अमृत यक्सो चयन भएका छन् । ताप्लेजुङ जिल्ला स्थित सबै वडाहरुमा घरदैलो कार्यक्रम निरन्तररुपमा भईरहेको प्रान्तीय सचिव लाबुङ्ले लिम्बुवानखबरलाई जानकारी दिएका छन् ।