काठमाडौं, ११ फाल्गुन । राष्ट्रपति निर्वाचन यहि फाल्गुन २५ गते हुँदैछ । निर्वाचनको प्रक्रियाअन्तर्गत आज १२ बजेसम्म मतदाता नामावलीमा नाम समावेश भएका व्यक्तिमाथि उजुरी दिन सकिने निर्वाचन आयोगले जनाएको छ ।

निर्वाचन आयोगका निर्वाचन कार्यतालिका अनुसार भोलि अन्तिम मतदाता नामावली प्रकाशन हुनेछ । दाबी, विरोध, उजुरी लगायतका काम आज १२ बजेसम्म गर्न सकिने छ । त्यसै गरी आजै १२ बजेदेखि अपराह्न ३ बजेसम्म आवश्यक जाँचबुझ गरिनेछ । भोलि ३ देखि ४ बजेसम्म अन्तिम नामावली सार्वजनिक गर्ने कार्यसूची रहेको छ आयोगले जनाएको छ ।

१३ गते शनिबार उम्मेदवारी दर्ता हुनेछ । राष्ट्रपतिका लागि फागुन २५ गते बिहान १० बजेदेखि ३ बजेसम्म मतदान हुनेछ । अपराह्न ४ बजेदेखि मतगणना प्रारम्भ गरी सोही दिन ७ बजेभित्रमा नतिजा सार्वजनिक गर्ने आयोगको तयारी छ ।

यसैगरी आगामी चैत ३ गते उपराष्ट्रपतिको निर्वाचन हुने आयोगले जनाएको छ ।