पोक्लाबाङ यकको तेस्रो साधारणसभा सम्पन्न

 लिम्बुवान न्युज
                       


फेदाप पोक्लाबाङ /पोक्लाबाङ यक माङगेन्ना लुङधुङ थामरुङ फेदाप संस्थाको तेस्रो बार्षिक साधारणसभा सम्पन्न भएको छ । १८ थरी लिम्बुहरुको प्रतिनिधिमुलक संस्था पोक्लाबाङ यक माङगेन्ना लुङधुङ थामरुङ फेदापको, फेदाप स्थित माङगेन्ना लुङधुङमा सम्पन्न साधारणसभाले संस्थाको बार्षिक प्रगति प्रतिवेदन र कार्ययोजना पारित गरेको छ ।

संस्थाका अध्यक्ष सेसेहाङ हुक्पा चोङबाङ्ले प्रस्तुत गर्नुभएको कार्ययोजनामा अब निर्माण हुन लागेको संग्रहालय निर्माणलाई तिब्रता दिदै संस्थाको सक्रियता बढाउने बिषयलाई प्रमुख बनाइएको छ ।

हाल पोक्लाबाङको संग्रहालय निर्माणका लागि शहरी बिकास मन्त्रालय बाट चार करोड बजेट विनियोजन भएको छ । टेन्डर प्रक्रिया बाट निर्माण हुने संग्रहालय बहुबर्षे योजना अन्तर्गतको रहेको छ । त्यो संगै संस्थाको आगामी अधिवेशन २०८१ माघ महिनामा सम्पन्न गर्ने समेत निर्णय गरेको छ ।

भव्यताका साथ सम्पन्न गरिने अधिवेशनको आर्थिक समिति सहरमान लुम्फुङवाको संयोजकत्वमा ७ सदस्यीय आर्थिक समिति समेत गठन गरिएको छ । सदस्यहरुमा बिजय निङलेकु, गंगा कुरुम्बाङ, कृष्ण कुमार तेयुङ, लोक ब सम्बाहाङफे, काजीमान पंगेनहाङ लगायत रहेका छन । त्यसैगरी संस्थाले थामरुङ लुङधुङ थोबो कोष पनि स्थापना गर्ने भएको छ ।

जुन कोषको प्राप्त ब्याज बाट प्रत्येक महिनामा २ पटक थामरुङ र लुङधुङ सरसफाइ तथा पुजाआजा गरिनेछ । तेस्रो साधारणसभासंगै माङहुक्वा वादेम्मा कार्यक्रम पनि आजै सम्पन्न गरिएको छ ।

सबै सयङका प्रतिनिधिहरुको उपस्थिति रहेको साधारणसभा संस्थाका अध्यक्ष सेसेहाङ हुक्पा चोङबाङको अध्यक्षता स्वागत मन्तव्य उपाध्यक्ष राजकुमारी सिगक तथा महासचिव टेक बहादुर खापुङको संचालनमा कार्यक्रम सम्पन्न भएको थियो ।

सम्बन्धित समाचार

दमकको मदनडाँगी–ताराबारी–डिपु सडकको उद्घाटन

दमक, २९ असार । प्रधानमन्त्री केपी शर्मा ओलीले झापाको दमकस्थित मदनडाँगी–ताराबारी–डिपु सडक स्तरोन्नति आयोजनाको उद्घाटन गरेका छन् । आइतबार (आज) एक कार्यक्रमका बीच प्रम ओलीले विश्व बैंकको सहयोग एंव नेपाल शहरी शासकीय तथा पूर्वाधार आयोजनाको...

हस्ताक्षर संकलनमा प्रहरीकाे हस्तक्षेप

दमक, २९ असार । झापाकोे दमकमा प्रधानमन्त्री केपी ओली आएको वेलामा राष्ट्रिय स्वतन्त्र पार्टीले हस्ताक्षर संकलन गरेको भन्दै प्रहरीले हस्तक्षेप गरेको छ । दमकस्थित क्याम्पस माेडमा हस्ताक्षर संकलन गरिरहेका रास्वपाका कार्यकर्तालाई प्रहरीले हस्तक्षेप गरेको हो...

ज्ञानेन्द्र कुरुम्बाङ किरात माङ्सेसे हाङ्साम माङहिमकाे अध्यक्षमा निर्वाचित

ललितपुर, उपत्यका ब्यूराे ।  ललितपुरकाे महालक्ष्मी नगरपालिकास्थित किरात माङ्सेसे हाङ्साम माङहिम सञ्चालक समितिको चौथो अधिवेशन  सम्पन्न भएकाे छ । शंखदेवी लुभुमा अवस्थित माङहिमकाे अध्यक्षमा ज्ञानेन्द्र कुरुम्बाङ निर्वाचित भएका छन् भने  १३ सदस्यीय समिति निर्वाचित  भएका...

बिएण्डसीबाट मुटु रोगीका लागि निःशुल्क औषधी उपचार सेवा शुरु

दमक,झापा /  झापाको विर्तामोडस्थित बिएण्डसी मेडिकल कलेज एण्ड टिचिङ अस्पतालले मुटु रोगीका लागि निःशुल्क औषधी उपचार सेवा शुरु गरेको छ । अस्पतालले असार २२ गते आइतबारबाट सेवा लागू हो । यो उपचार सेवा नेपाल सरकारको...