दमक, १९ माघ । शनिबार झापाको बिर्तासिटीसेन्टर स्थित साई पार्टी प्यालेसमा भएको नेपाल आदिवासी जनजाति पत्रकार महासंघ (फोनिज) झापा जिल्लाको सातौ अधिबेशनबाट अर्जुन राजवंशीको अध्यक्षतामा १३ सदस्यीय जिल्ला समिति गठन गरेको छ ।
समितिको उपाध्यक्षमा तिलक योञ्जन तामाङ, सचिवमा सन्तोष वेघा, सह-सचिवमा भारती राई र कोषाध्यक्षमा नरेश गुरुङ निर्वाचित भएका छन् ।

त्यसैगरी सदस्यहरुमा क्रमश: सुरेश आले मगर, सुजन राई, शौरभ मुखिया, रविकिरण वान्तवा राई, विष्णुकुल श्रेष्ठ, मिना नेम्वाङ, जिके शर्मा र सुमन वेघा रहेका छन् ।

यसैगरी संघीय महाधिवेशन प्रतिनिधिमा झापा जिल्लाबाट दिपीन राई, भूमिका फियाक, रमेश राई, गणेशमान मुखिया, विशाल नेम्वाङ, इन्द्रसिंह राजवंशी, आनन्द गुरुङ, दिलकुमार लावती र सुशन राई चयन भएका छन् ।

अधिबेशनमा फोनिज झापाले वितरण गर्दे आएको स्व. डिकमान विरही सुनुवार स्मृति पत्रकारिता पुरस्कारबाट झापा, दमकका पूराना पत्रकार विष्णु सुब्बालाई नगद २५ हजार सहित सम्मान पत्र र खदा ओडाएर सम्मान गरेका थिए । यसैगरी फोनिज उदीयमान पत्रकारिता पुरस्कार २०८१ बाट सूर्योदय टेलिभिजनमा कार्यरत पत्रकार रविकिरण बान्तावा राई र हरप्रहर न्यूज डटकममा कार्यरत दमकका सजन राईलाई नगद ५/५ हजार नगद र प्रमाणपत्र प्रदान गरि पुरस्कृत गरिएको थियो।

अधिबेशन नेपाल आदिवासी जनजाति पत्रकार महासंघ (फाेनिज) झापा जिल्ला सचिव तिलक यञ्जनकाे संचालन र अध्यक्ष भु कुमारी लिम्बू (भुमिका फियाक)को अध्यक्षतामा सम्पन्न भएको थियो ।