दमक, २१ माघ । किरात याक्थुङ चुम्लुङ् मोरङ जिल्लाको नवौं अधिवेशन सम्पन्न भएको छ । सोमबार चुम्लुङका संघीय महासचिव निरन्ती तुम्बापोको प्रमुख आतिथ्यतामा सुन्दरहरैचास्थित चुम्लुङहिमको सभाहलमा सम्पन्न अधिवेशनले डिल्ली लिङदमको अध्यक्षतामा नयाँ समिति गठन गरिएको हो ।

समितिको उपाध्यक्षमा मुना राई हुक्पा चोङबाङ, सचिवमा कृष्णकुमार लिम्बु, सह–सचिवमा सन्तोष लिम्बु र कोषाध्यक्षमा अरुणा निङ्लेकु चयन भएका छन् । यसरी नै उक्त कार्यक्रमबाट सदस्यहरुमा अमृता खेवाङ, शान्ता चेम्जोङ, पदम योङहाङ, मणिराम आङ्देम्बे, पर्शुराम सिरेङ र कर्ण बोखिम निर्वाचित भएका छन् ।

कार्यक्रमको खुल्लासत्र सम्पन्न भएलगत्तै बन्दसत्र शुरु गरि कार्यक्रम सम्पन्न गरिएको निवर्तमान अध्यक्ष डिवी कुरुम्बाङ्ले लिम्बुवान खबरलाई जानकारी दिएका हुन् ।