प्रधानमन्त्रीद्वारा पूर्वाञ्चल क्यान्सर अस्पतालको उद्घाटन, बी एण्ड सीलाई छिट्टै मेडिकल कजेलको सम्बन्धन दिने आश्वासन

 लिम्बुवान न्युज
                       

विर्तामोड, १८ फागुन। प्रधानमन्त्री केपी शर्मा ओलीले विर्तामोडको बी एण्ड सी मेडिकल कलेजलाई काठमाडौं विश्वविद्यालयबाट छिट्टै सम्बन्धन दिलाउने आश्वासन दिएका छन् ।

आज झापाको बिर्तामोडमा पूर्वाञ्चल क्यान्सर अस्पतालको उद्घाटन गर्दै प्रधानमन्त्री ओलीले बी एण्ड सी अब छिट्टै मेडिकल कलेज बन्ने बताएका हुन् ।

अस्पतालका सञ्चालक दुर्गा प्रसाईंको प्रशंसा गर्दै प्रधानमन्त्री ओलीले उनी हिम्मत भएको मान्छेसमेत भनेका छन् । ‘बि एण्ड सीमा अब छिट्टै विद्यार्थीहरु डाक्टरी पढ्न आउने छन्’ प्रधानमन्त्री ओलीले आफ्नो सम्बोधनमा अस्पताल परिवारलाई पनि हौस्याएका छन् ।

वर्तमान सरकारले बनाएको ‘समृद्ध नेपाल सुखी नेपाली’को नारालाई सार्थक कार्यान्वयन गर्न इन्टरनेटमा फोर जी सेवा सबै जिल्लामा पुर्याउने तयारी भएको, डिजिटल सोएल टेस्ट सुरु गरेर कृषिलाई आधुनिकीकरणतर्फ लैजाने प्रबन्ध मिलाएको प्रधानमन्त्री ओलीको दावी छ । अबका संरचना भुकम्प प्रतिरोधात्मक बनाउने काम गरिरहेको, घरबारबिहीन दुई लाख जनतालाई एकीकृत बस्ती बनाएर घर हस्तान्तरण गरेको प्रधानमन्त्रीको भनाई छ ।

‘आफूलाई प्रधानमन्त्री पदबाट हटाउन सक्नेले हटाएर देखाउन् भन्दै, म डेढ दुई वर्षपछि हुने चुनावमा दुई तिहाईको संख्यामा सांसद जिताएर फेरि प्रधानमन्त्री बन्छु र पुनः सिंहदरबार फर्कन्छु’ दावी गरेका छन् ।

सम्बन्धित समाचार

शहीद मनिल तामाङको १४औं स्मृति दिवस मनाइयो

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै...

पहिचानवादीहरुको विराटनगरमा वृहत जनप्रदर्शन

विराटनगर, ५ चैत्र । कोशी प्रदेश नामकरण खारेजीको माग राख्दै पहिचानवादी दल, संघसंगठानहरु आन्दोलनमा उत्रिएका छन् । पहिचान मेटाएर प्रदेशको नाम राखेको भन्दै असन्तुष्ट बनेका पहिचानवादी दल र संघसंगठनहरु आन्दोलनमा उत्रिएका हुन् । अघिल्लो प्रदेशसभामा...

लिम्बु कथानक चलचित्र ‘सुगुत्’को छायांकन सम्पन्न

काठमाडौ, ३ चैत्र । लिम्बु कथानक चलचित्र ‘सुगुत्’ को छायांकन सम्पन्न भएको छ । पान्थर, ताप्लेजुङका साथै भारतको आसाम लगायत विभिन्न ठाउँमा छायांकन गरि गत फागुन मसान्तमा सकिएको हो । चोक्फुङ इन्टरटेन्मेन्ट प्रा.लि. र खापुङ्...