काठमाडौं। सरकारले बनाएको वार्ता टोलीले विप्लव समूहको वार्ता टोलीसँग एकै दिन दुई पटक वार्ता गरेको छ । विभिन्न विषयमा केन्द्रित बार्ताको दोस्रो चरणको वार्ताबाट थप उपलिब्ध भएको छ ।

सरकारी वार्ता टोलीका सदस्य प्रधानमन्त्रीका परराष्ट्र मामला सल्लाहकार राजन भट्टराईले ट्वीटमार्फत वार्ता उपलब्धीमूलक भएको जानकारी दिएका हुन् ।

उनका अनुसार वार्ता विषय केन्द्रित भएको छ । ‘दुवै पक्ष समान धारणानजिक पुगेको र छिट्टै निष्कर्षमा पुग्ने ट्वीटमा उल्ल्ेख गरेका छन् ।

दुवै पक्षले वार्ताको स्थानबारे भने कुनै जानकारी दिएका छैनन् । सरकारले प्रतिबन्धित विप्लव समूहसँग वार्ता गर्नका लागि मंगलबार गृहमन्त्री रामबहादुर थापाको नेतृत्वमा दुई सदस्यीय वार्ता टोली गठन गरेको थियो ।

त्यसको केही घण्टा पछि विप्लव समूहले पूर्व मन्त्री समेत रहेका प्रवक्ता खड्गबहादुर विश्वकर्मा प्रकाण्डको नेतृत्वमा दुई सदस्य समिति गठन गरेको थियो ।