धरान। सुनसरीको धरानमा लिम्बुवानका सम्भावित विश्व सम्पदाहरुको स्थलगत अध्ययन बारे दुई दिने अन्तरक्रिया तथा छलफल कार्यक्रम सम्पन्न भएको छ । आज धरानको गोर्खा किचनको सेमिनार हलमा तङसिङ मिडिया एण्ड रिसर्च प्रालि धरान र लिम्वुवानी सम्पदा सरोकार समूह (युके) को प्राविधिक सहयोगमा कार्यक्रम आयोजना गरिएको हो ।

कार्यक्रमलाई सहजकर्ता सञ्चारविद एवम् सम्पदा संरक्षण राष्ट्रिय अभियानका अभियन्ता विधु कायस्थले गरेका थिए । कार्यक्रमलाई सहजीकरण गर्दै कायस्थाले भने –प्राकृतिक सम्पदाहरू विश्व सम्पदामा समाबेस गरी मानव सभ्यतासंग जोडन मुर्त र अमुर्त गरि दुई प्रकारको सम्पदाहरूसँग जोडिएको हुन्छ । विश्वका ११२१ वटा विश्व सम्पदाहरू मध्ये नेपालमा १० वटा मात्र विश्व सम्पदामा सुचिकृत भएको छ– कायस्थले बताए । उनले थप १५ वटा सम्पदाहरूलाई विश्व सम्पदामा सुचिकृत नगरेको हुनाले त्यसलाई सुचिकृत गराउनको लागि पनि यो अभियान आवश्यक रहेको बताए ।

लिम्वुवानमा पनि निकै विश्व सम्पदाहरू छन तर कुनै पनि सम्पदाहरू विश्व सम्पदामा सुचिकृत नभएको बताए । लिम्वुवानमा रहेको प्राकृतिक सम्पदा र सांस्कृतिक सम्पदाहरूको खोज अनुसन्धान गरेर विश्व सम्पदामा सुचिकृत गराउने अठोटका साथ यो कार्यक्रम गरिएको हो– कायस्थले भने । लिम्वुवानमा रहेको ऐतिहासिक सम्पदाहरू विजयपुर, मुकुम्लुङ, मेन्छायम, सुमाःत्लुङ जस्ता धेरै सम्पदाहरू रहेको छन् । यसलाई विश्व सम्पदामा सुचिकृत गराउन सकेमा पहिचान र अस्तित्व सहितको संघीयता स्थापित गर्न सहयोग मिल्ने बताए ।

देशमा संघीयता त आयो तर पहिचान र अस्तित्व विहिन संघीयता आएको छ भनि प्रष्टाएका थिए । विजयपुर दरवारक्षेत्रमा गई त्यहाँका सभ्यता, पहिचान र भग्नासेषहरूको स्थलगत अध्ययन पनि गरिएको छ ।

कार्यक्रममा बरिष्ठ पत्रकार हर्ष सुब्बा, भवानी बराल, भैरव आङला, अम्विका सम्वाहाम्फे, चुम्लुङका पधाधिकारीहरू र धरानमा रहेको विभिन्न राजनितिक दलहरूको उपस्थिति रहेको थियो ।

कार्यक्रमको सभाध्यक्ष योवाहाङ तुम्वाहाम्फेले गरेका थिए भने संचालन सन्तोस कुरूम्बाङले गरेका थिए ।