किशोर सुब्बाको कविता सङग्रह “काश जिन्दगी !” सार्वजनिक

 लिम्बुवान न्युज
                       

काठमाडौं। मदन पुरस्कार विजेता साहित्यकार तथा नेपाल आदिवासी जनजाति साहित्यकार महासंघका संयोजक राजन मुकारुङले नेपाली भाषा खसहरूको भाषा नभएको, सम्पूर्ण नेपालीहरूको सम्पर्क भाषा हो, भनेका छन् ।

बिहिबार अनामनगरस्थीत पाना क्याफेमा निर्देशक किशोर सुब्बाद्वारा लिखित कविता सङ्ग्रह ‘काश जिन्दगी !’ लोकार्पण गर्दै सो कुरा बताएका हुन् । भाषाहरू बन्ने क्रममा परिस्कृत र परिमार्जित हुने बताउँदै खस भाषा जुम्लामा कसरी बोलिने र नेपाली भाषा कसरी बोलिने कुरा स्थलगत जानकारी लिँदा प्रष्ट हुने मुकारुङको भनाई थियो ।

मुकारुङले कुनै सौन्दर्य खोज्नेले किशोर सुब्बाको कवितालाई साहित्य नमान्न सक्ने त कुनै अब्बल सौन्दर्यको प्रतिक मान्न सक्ने सङ्ग्रहको रूपमा औंल्याएका थिए । चलचित्रकर्मी समेत रहेका सुब्बाले साहित्य लेख्दा चलचित्रको सौन्दर्यमा निखार आउने पनि बताएका थिए ।

साहित्यकार, मुन्धुमविद् यासेली योङहाङले किशोर सुब्बाका कवितामा सबै खाले विचारलाई समेट्नुका साथै जिन्दगीका सबै भोगाईलाई सङ्ग्रहित गरेको बताएका थिए । चलचित्रक्षेत्रमा रहँदा पनि साथै रहेको, साहित्यक्षेत्रमा रहँदा पनि साथै रहेकोले दुःखसुखकै साथी÷दाई मान्ने कुरालाई जोड्दै सँधै सक्रिय रहनसक्नु नै सुुब्बाको विशेषता रहेको बताएका थिए ।

सुब्बाबारे देवेन्द्र खापुङ सुर्केली, कुल्वा सुब्बा, लोकेन साँवा, पूर्व प्रमुख जिल्ला अधिकारी तथा इतिहासकार भगिराज इङ्नाम, सिर्जना राई, अर्जुन लिम्बु, सञ्जय राई छुच्चाले चर्चा गरेका थिए । दर्जनौ चलचित्रको लेखन निर्देशन र मेरो गाउँको रामकहानी (नाटक), फावाखोलाको गीत, अर्धसत्य (उपन्यास), पश्चात कविता सङ्ग्रह काश जिन्दगी ! ल्याएका हुन् ।

कार्यक्रममा कलाकार सानुबाबा सुब्बा, निर्देशक सागर सुब्बालगायतको उपस्थिति थियो ।

सम्बन्धित समाचार

दमकको मदनडाँगी–ताराबारी–डिपु सडकको उद्घाटन

दमक, २९ असार । प्रधानमन्त्री केपी शर्मा ओलीले झापाको दमकस्थित मदनडाँगी–ताराबारी–डिपु सडक स्तरोन्नति आयोजनाको उद्घाटन गरेका छन् । आइतबार (आज) एक कार्यक्रमका बीच प्रम ओलीले विश्व बैंकको सहयोग एंव नेपाल शहरी शासकीय तथा पूर्वाधार आयोजनाको...

हस्ताक्षर संकलनमा प्रहरीकाे हस्तक्षेप

दमक, २९ असार । झापाकोे दमकमा प्रधानमन्त्री केपी ओली आएको वेलामा राष्ट्रिय स्वतन्त्र पार्टीले हस्ताक्षर संकलन गरेको भन्दै प्रहरीले हस्तक्षेप गरेको छ । दमकस्थित क्याम्पस माेडमा हस्ताक्षर संकलन गरिरहेका रास्वपाका कार्यकर्तालाई प्रहरीले हस्तक्षेप गरेको हो...

ज्ञानेन्द्र कुरुम्बाङ किरात माङ्सेसे हाङ्साम माङहिमकाे अध्यक्षमा निर्वाचित

ललितपुर, उपत्यका ब्यूराे ।  ललितपुरकाे महालक्ष्मी नगरपालिकास्थित किरात माङ्सेसे हाङ्साम माङहिम सञ्चालक समितिको चौथो अधिवेशन  सम्पन्न भएकाे छ । शंखदेवी लुभुमा अवस्थित माङहिमकाे अध्यक्षमा ज्ञानेन्द्र कुरुम्बाङ निर्वाचित भएका छन् भने  १३ सदस्यीय समिति निर्वाचित  भएका...

बिएण्डसीबाट मुटु रोगीका लागि निःशुल्क औषधी उपचार सेवा शुरु

दमक,झापा /  झापाको विर्तामोडस्थित बिएण्डसी मेडिकल कलेज एण्ड टिचिङ अस्पतालले मुटु रोगीका लागि निःशुल्क औषधी उपचार सेवा शुरु गरेको छ । अस्पतालले असार २२ गते आइतबारबाट सेवा लागू हो । यो उपचार सेवा नेपाल सरकारको...