मोरङ। सन्दरहरैंचाको विराटचोकमा सुविधासम्पन्न न्यू तावा फेमिली रेष्टुरेण्ट शुरु भएको छ । करिब पच्चीस लाख लगानीमा रेष्टुरेण्ट शुरुभएको संचालक राजु साँबाले बताए ।

शान्त वातावरणमा परिवार सहित खान सकिने उक्त रेष्टुरेण्टमा हप्तामा एकपटक लाइभ सांगीतिक कार्यक्रम हुने बताइएको छ । रेष्टुरेण्टमा साना कार्यक्रमहरु गर्न सकिने पनि संचालक साँबाले बताए । विराटचोक वरिपरिका क्षेत्रहरुमा लाइभ सुविधा सहितको रेष्टुरेण्टहरु त्यति नभएको हुँदा संगीत पारिखीहरुको लागि उपयुक्त हुने संचालक साँबाले दावी गरे ।

ताप्लेजुङ्मा पहिचानको राजनीतिमा शसक्त रुपमा लाग्नु भएका साँबा संघीय लिम्बुवान मञ्च, नेपालका पूर्व जिल्ला उपाध्यक्ष समेत हुने । केही बर्ष काठमाडौंमा व्यवसाय गर्नुहुने साँबाले मोरङ्मा व्यवसायसँगै पहिचान राजनीतिमा साथ दिने बताएका छन् ।

साँबासँगै बेलबारी निवासी कैलाश बस्नेत दुईजनाको संयुक्त लगानीमा रेष्टुरेण्ट संचालनमा ल्याएका हुन् । संघीय लिम्बुवान मञ्च, नेपालका उपाध्यक्ष तथा प्रदेश सदस्य विष्णु तुम्बाहाम्फेले रिवन काटेर उद्घाटन गरिएको उक्त कार्यक्रममा मञ्चका अन्य केन्द्रीय नेताहरुको समेत उपस्थिति रहेको थियो ।