याक्थुङ मुन्धुम तथा धर्म, संस्कार, संस्कृति सम्वन्धि एक दिने अन्तरक्रिया

 लिम्बुवान न्युज
                       

विजयपुर धरान। धरान १९ को किरातेश्वर माविको सभाहलमा साम्जिक मुन्धुम चुम्भो धरानले याक्थुङ् मुन्धुम तथा धर्म, संस्कार, संस्कृति सम्बन्धि एक दिने अन्तरक्रिया कार्यक्रमको आयोजना गरेको छ ।

यस कार्यक्रमको उद्घाटन धरान उपमहानगरका प्रमुख तिलक राईले गर्नु भएको थियो । कार्यक्रमलाई सम्बोधन गर्दै मेयर राईले विभिन्न भाषिक, पहिचान र मुन्धुम, संस्कृति सम्वन्धि विकाश गर्नु पर्नेमा जोड दिएका छन् । लिम्बू समुदायमा मुन्धुम र संस्कार संस्कृतिलाई रक्षाको लागि नगर र वडाको कोषहरूबाट बजेट विनियोजन गर्ने पनि प्रतिबध्दता जनाएका छन् । भाषा, लिपि धर्म नै याक्थुङ समुदायहरूको सभ्यता भएको हुँदो यसलाई आ–आफ्नो क्षेत्र बाट लागि पर्नु पर्ने मेयर राईले बताए ।

अन्तरक्रिया कार्यक्रममा किरात याक्थुम चुम्लुङको केन्द्रीय सल्लाहकार तथा प्रध्यापक डा. यगेन्द्र पालुङ्वा सहजीकरण गरेका थिए । सोही क्रममा पालुङ्वाले लिम्वुहरूको मुख्य पहिचान र अस्तित्व नै मुन्धुम हो भनेका छन् । उनले लिम्वुहरूले मुन्धुमलाई राम्रो व्यवस्थित गरेर लानु पर्नेमा जोड दिए । साथै अब आउने जनगणनामा किरात धर्म लेखाउन पनि सुझाव दिएका छन् ।

यस कार्यक्रमलाई साम्जिक मुन्धुम चुम्भोको अध्यक्ष मान वीर लङ्वा लिम्वुले सभाध्यक्षता गरेका थिए । त्यसैगरी स्वागत मन्तव्यमा देउमान ताम्मादेनले गरेका छन् भने कार्यक्रमको संचालन साम्जिक मुन्धुम चुम्भोको महासचिव हितराम तिलिङले गरेका थिए ।

अन्तरक्रिया कार्यक्रममा महासभाका अभियान्ता देव इजमले लामो कार्यपत्र प्रस्तुत गरि मुन्धुम र लिम्बू जातिको मौलिक धर्म बारेमा विस्तृत रूपमा बहस, छलफल र अन्तरक्रिया गरेका थिए । अब आउने जनगणनामा युमा धर्म लेखौ भन्ने पनि सुझाव दिएको छ ।

त्यसैगरी किरात धर्म बारे लिलिस पोमुले आफ्नो लामो कार्यपत्र प्रस्तुत गर्नु भएको छ । उहाँले लिम्वुहरूको मुन्धुम र धर्म सम्वन्धि निकै लामो कार्यपत्रमा पेस गरेका थिए । उक्त कार्य पत्र अनुसार निकै लामो समय सम्म बहस र छलफल भएको थियो । अवको जनगणनामा किरात धर्म लेख्नु पर्छ भन्ने सुझाव दिएका छन् । त्यसैले दुवै जनाको कार्य पत्रमा बहस भई सकारात्मक दिशा तिर उन्मुख हुन सबैमा कार्यक्रम आयोजकले अपिल गरेका थिए ।

सम्बन्धित समाचार

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...

छथर गाउँपालिका, तेह्रथुम फाइनलमा प्रवेशः फाइनलमा तिजोक पाँचथरसँग भिड्ने

दमक, १४ मंसिर । इलामको माङ्सेबुङमा जारी आत्मानन्द कप फुटबल प्रतियोगितामा छथर गाउँपालिका, तेह्रथुम फाइनलमा प्रवेश गरेको छ । इलामको माङसेबुङ ५ स्थित प्रस्तावित आत्मानन्द रंगशालमा बुधबार भएको दोस्रो सेमिफाइनल खेलमा जलथल फुटबल क्लव झापालाई ३–०...