दमक। गीतकार तथा निर्देशक आन्छुमे नसानको पालाःम साम्लो ‘निङवासो’ भिडियो सार्वजनिक गरिएको छ । भिडियोमा लोकप्रिय गायिका तथा मोडल गंगा फियाक र नोसाङ सुसेलीको अभिनय देख्न सकिनेछ ।

आन्छुमे नसानको शव्दमा संगीतकार तथा गायक नरेश लिङदेनले लय संकलन गरेका गीतलाई चर्चित गायिका मनु नेम्बाङ र लिङदेन स्वयमले सुमधुर भाकामा श्रृंगारिएको पालाःम साम्लो ‘निङवासो’ भिडियो माङसेबुङ न्यूज टिभी युट्यूव च्यानलबाट सार्वजनिक गरिएको हो ।

किरात धार्मिक पर्यटकिय स्थल माङसेबुङ आसपासमा छायाँकन गरिएको भिडियोमा मिलन लावती ‘सहयात्रा’, दिल्लीसोहाङमा तुम्सा, सरिता राई, प्रकाश सावदेन, सेसे सेर्मा र सन्चहाङ सङवाङफे लगायतको पनि अभिनय हेर्न सकिन्छ ।

प्रविन सेलिङ ‘सेन्दो’को छायाँकन तथा सुजन श्रेष्ठको सम्पदन रहेको भिडियोमा सुजन आङबुहाङको कृउ र दिल्लीसोहाङमा तुम्साको मेकअप रहेको छ ।

एभरेष्ट स्टुडियो काठमाण्डौबाट रेकर्ड गरिएको असोक लोहोरुङको संगीत संयोजन रहेको पालाःम साम्लो ‘नोमिम’ गीति एल्वममा संग्रहित रहेको छ ।

गाउँले जीवनको रोमान्टिक तथा मौलिक जीवनशैलीलाई प्रस्तुत गर्न खोजिएको ‘निङ्वासो’ भिडियोमा लिम्बू संस्कारमा प्रचलित रहेको धान नाँचलाई पृथक शैलीमा समावेश गरिएको निर्देशक नसानले बताएका छन् ।

भिडियो हेर्नुहोस‘