झिपाले। संघीय लिम्बुवान मञ्च नेपाल केराबारी गाउँपालिका सिंहदेवीको आयोजनामा अन्तरक्रिया तथा पार्टी प्रवेश कार्यक्रम सम्पन्न भएको छ । कार्यक्रममा मञ्चका अध्यक्ष कुमार लिङ्देन मिराकद्वारा पार्टीको साधारण सदस्यता प्रदान गर्दै मञ्चमा प्रवेश गराईएको हो ।
विभिन्न पार्टी परित्याग गरी केराबारी गाउँपालिकाका भिम बहादुर मिभक, अग्नि प्रसाद मिभक, भिम रत्न मिभक, चन्द्र कुमार लिम्बु, मौसम चेम्जोङ, दिपेश मिभक, राम कुमार मिभक, बसन्त मिभक, रुपमान लावती,, सोम बहादुर लिम्बु, विर्ख तुम्सा, किसान मिभक, राजु मिभक, कृष्ण पुलामी मगर, हर्क खेवा लिम्बु, रविन कुरुम्भ, भिम मिभक, टिका खेवा, किसान्त लहरुङ, गीता थेगीम राई, दुर्गामाया लावती लगायत रहेका छन् ।
मञ्चका अध्यक्ष लिङ्देनले पार्टीमा स्वागत गर्दै अबको एक मात्र राष्ट्रवादी पहिचानवादी दल संघीय लोकतान्त्रिक राष्ट्रिय मञ्च भएको हुँदा नेपाली गरिब दुःखी जनताहरुको पक्षमा बोल्ने र अधिकारको लागि लड्ने दलमा आउन आव्हान गरेका छन् । उनले वर्तमान सरकारको नौटङ्कीले मुलुक झनझन दलदलमा फस्दै गएको बताए । “मुलुक आर्थिक रुपमा एकदमै कम्जोर बन्दैगएको, आवश्यकता भन्दा धेरै कर्मचारी भर्ती गरेर देशको अर्थतन्त्रको पैसठ्ठी प्रतिशतभन्दा धेरै कर्ममारीतन्त्रमा खर्च भईरहेको हुँदा त्यसलाई वैज्ञानिक ढंगबाट समाधान गरेर देश विकासमा खर्च गर्न सरकारको नयाँ संरचना बनाई विकास निर्माणमा अघि बढ्न सरकार सफल भएको छ” –उनले भने ।
कार्यक्रममा बरिष्ठ उपाध्यक्ष ज्ञान बहादुर गुरुङ्ले मञ्चलाई जातीवादी पार्टीको आरोप लगाएर नेकपा कांग्रेसहरु चोखिन खाजेका छन् तर सबैभन्दा धेरै जातीवादी पार्टी तिनै एकात्मकवादी पार्टीहरु भएका हुँदा आगामी चुनावमा मञ्चको खुकुरी चुनाव चिन्हमा भोट हाल्न सिंहदेवीवासीलाई आव्हान गरेका छन् ।
यसैगरी कार्यक्रमलाई मञ्चका संघीय अर्थ सचिव विष्णु यक्सो, लिम्बुवान प्रान्तीय उमहासचिव तथा संचार प्रमुख दिल कुमार लावती, सचिव राजु राई, मोरङ जिल्ला अध्यक्ष दिलु लिङ्देन लावतीले आफ्नो विचार रहेका छन् ।
कार्यक्रममा मञ्चले प्रकाशन गरेको राजनीतिक एजेण्डा पुस्तकलाई वितरण गरेको छ । मञ्चले उक्त पुस्तिकालाई देशको सबै क्षेत्रमा पु¥याउन हजारौं प्रति प्रकाशन गरेर वितरण गरिरहेको प्रकाशन विभागले जनाएको छ ।
कार्यक्रमको अध्यक्षता केराबारीका सिंहदेवी अध्यक्ष गणेश लावतीको अध्यक्षतामा सम्पन्न भएको छ भने कार्यक्रममा मञ्चका मोरङ् बरिष्ठ उपाध्यक्ष जीवन खेवाले स्वगत मन्तव्य राखेका थिए ।
ललितपुर, २७ पुष । किरात याक्थुङ चुम्लुङ लिम्बुवान प्रदेश समितिको तेस्रो अधिवेशन हुने भएकाे छ । कियाचु प्रदेश समितिका अनुसार माघ ३ गते सुनसरीकाे धरान उपमहानगरपालिकास्थित चुम्लुङ हिममा अधिवेशन गर्ने जनाइएकाे छ । आयोजक समितिले...
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७