कियाचुको झापा अध्यक्षमा सेसेहाङ् फियाक

 लिम्बुवान न्युज
                       

दमक । लिम्बू जातिको प्रतिनिधिमूलक संस्था किरात याक्थुङ चुम्लुङ झापाको नयाँ नेतृत्व चयन भएको छ ।
शुक्रबार विर्तामोड स्थित जिल्ला चुम्लुङ भवनमा सम्पन्न ११औं जिल्ला अधिबेशनबाट भाषा, साहित्यसँगै पत्रकारितामा क्रियाशील दमक ५ निवासी सेसेहाङ फियाक अध्यक्षमा सर्वसम्मत निर्वाचित भएका हुन् ।

अधिबेशनले गठित ११ सदस्यीय जिल्ला समितिको उपाध्यक्षमा कालीबहादुर खेवाङ, सचिवमा प्रेमचन्द्र लिम्बू, सहसचिवमा कविन्द्र सेर्मा, कोषाध्यक्षमा धिरावती लिम्बू छन् त्यसैगरी सदस्यहरुमा दिलिप आङदेम्वे, धर्म लक्सम्बा, तारा लिम्बू, रुद्रबहादुर तवेवुङ, मनकुमारी पन्दाक र शर्मिला आङदेम्वे चयन भएका छन् ।

हल्दिवारी गाउँँपालिकाका अध्यक्ष रविन्द्र लिङदेनको प्रमुख आतिथ्यता तथा चुम्लुङका केन्द्रीय उपाध्यक्ष गोविन्द आङबुहाङ, सचिव डा. योगेन्द्र पालुङवाको बिशेष आतिथ्यतामा भएको अधिबेशन उद्घाटनका अवसरमा चुम्लुङ अभियानमा योगदान पुरयाँएको भन्दै चुम्लुङकी पूर्व केन्द्रीय सदस्य राधा सुव्वालाई सम्मान गरिएको थियो ।

त्यस्तै, अधिबेशनको वन्दसत्रमा चुम्लुङ जिल्ला अध्यक्ष भक्त खेवाङले प्रस्तुत गरेको सांगठानिक र कोषाध्यक्ष गुमानसिंह सम्बाहाम्फेले प्रस्तुत गरेको आर्थिक प्रतिवेदन सुझावसहित पारित गरिएको थियो । अधिबेशन सम्पन्न गर्न चुम्लुङका अग्रज कृष्णकुमार थेवेको संयोजकत्वमा तीन सदस्यीय निर्वाचन समिति गठन गरिएको थियो ।

सम्बन्धित समाचार

झापामा पहिचानको लागि युवा गठनः सामी पालुङवाको संयोजकत्वमा १५०१ युवा घोषणा

दमक, ३० भदौं । प्रदेश नम्बर १ पुनः नामाङ्कन संयुक्त संघर्ष समिति झापाले पहिचानको आन्दोलन सशक्त बनाउन झापामा “पहिचानको लागि युवा” दस्ता घोषणा गरेको छ । शनिबार बिर्तामोडस्थित सिटि सेन्टरको सभाहलमा झापा जिल्लाका पहिचानवादी युवाहरुको...

समाजवादी मोर्चालाई प्रदेशको नाम कोशी लेख्न सकस

विराटनगर, २५ भदौ । सोमबार विराटनगरमा प्रदेश स्तरीय सभा आयोजना गर्दा समाजवादी मोर्चाले ब्यानरमा प्रदेशको नाम लेख्न सकेन । प्रधानमन्त्री पुष्पकमल दाहाल प्रचण्डसहित मोर्चामा आवद्ध दलका शीर्ष नेताले सम्बोधन गरेको उक्त सभाको ब्यानरमा ‘प्रदेश स्तरीय...

दमकका स्रष्टा हेम अधिकारीका तीनवटा कृति एकैसाथ विमोचन

झापा, दमक । साहित्यकार हेम अधिकारीका तीन कृति क्रियाको रुप विश्लेषण आधुनिक भाषा विज्ञान, जीवनका गौंडा गल्छेँडाहरु र “उत्तरी ध्रुवतिर टहलिँदा “नियात्रा सङ्ग्रह साहित्य कला संगम दमकको आयोजनामा मेची सहकारीको सभाहलमा बिमोचन कार्यक्रम सम्पन्न भयो...

चुम्लुङले कोशी खारेजीको माग राख्दै र्यालीसहित ३५औं स्थापना दिवस मनायो

काठमाडौं, १७ भदौं । ललितपुरमा प्रदेश नं. १ को नाम कोशी खारेज गर्न मागसहित विरोध प्रदर्शन भएको छ । आइतबार दिउँसो किरात याक्थुङ चुम्लुङको ३५ औं स्थापना दिवसको अवसरमा ललितपुरको जावलाखेलदेखि ढोलाहिटीस्थित चुम्लुङ् हिमसम्म प्रदर्शन...