विश्वव्यापी हाक्पारे अनलाइन विजेताले पाए नगदपुरस्कार

 लिम्बुवान न्युज
                       

दमक। प्रथम विश्वव्यापी अनलाइन हाक्पारे प्रतियोगिता २०७७ का विजेताले नगद पुरस्कार तथा प्रशंसा–पत्र पाएका छन् । याक्थुङ् हाक्पारे साम्लो सजुमले शनिबार दमकको किरात भवनमा आयोजना गरेको पुरस्कार वितरण तथा साँगीतिक कार्यक्रममा प्रदान गरिएको हो ।

२४० भन्दा धेरै प्रतियोगि सहभागी भएको उक्त प्रतियोगितामा प्रथम अमरजंग केदेम, द्धितीय गरिमाया लिम्बु र तृतीय मुक्ति इधिङगो भएका थिए । विजेताहरुलाई नगदराशी क्रमस ५५ हजार, ३० हजार र २० हजार सहित प्रशंसा–पत्र प्रदान गरिएको थियो । साथै विभिन्न उप–शिर्षक विजेता हुने १० जनालाई प्रसंशा–पत्रले सम्मान गरिएको थियो । यस अनलाईन प्रतियोगिताका निर्णायकहरुमा कलाकार यासेली योङहाङ, लोकप्रिय गायिका झुमा लिम्बु र कवि मधु केरुङ रहेका थिए ।

कार्यक्रमका प्रमुख अतिथि प्रदेश १ का पूर्व अर्थमन्त्री इन्द्र बहादुर आङबोले विजेताहरुलाई पुरस्कार वितरण गरेका छन् । साथै प्रमुख अतिथि आङबोले प्रतियोगिताका विजेता सम्पूर्णलाई शुभकामना दिदै प्रदेश १ को नाम लिम्बुवान राखेता पनि आफुलाई आपत्ती नरहेको बताएका छन् तर प्रदेश १ मा खम्बुवान प्रान्त पनि पर्न गएको कारण सबैलाई समेट्ने गरी किरात नाम राख्न उपयूक्त हुने बताएका छन् । तर कोशी राख्ने षडयन्त्र भईरहेको प्रति आपत्ती जनाउँदै आफू त्यसको विरुद्धमा रहेको स्पष्ट पार्दै प्रदेश १ को नाममा पहिचान नजोडिएमा आफू त्यसको विरोधमा उत्रने बताए । पूर्व मन्त्री आङबोले लिम्बुवानका विषयमा आफुले दिएको अविव्यक्तिको गलत अर्थ लागेको भन्दै आफ्नो आसय त्यस्तो नभएको पनि स्पष्ट पारेका थिए ।

याक्थुङ हाक्पारे साम्लो सजुमले आयोजना गरेको विश्वव्यापी अनलाईन साम्लो प्रतियोगिताका विजेताहरुलाई पुरस्कार वितरण एवं सम्मान गरिएको सो कार्यक्रम सजुमका अध्यक्ष इक्साहाङ चेम्जोङको सभापतित्व सम्पन्न उक्त कार्यक्रममा किरात याक्थुङ चुम्लुङका प्रदेश १ अध्यक्ष धुर्व मेन्याङ्बो, साहित्यिक तथा राजनीति र सामाजिक व्यक्तित्वहरुको समेत उपस्थिति रहेको थियो । कार्यक्रमलाई निर्णायक समेत रहेका केरुङले संचालन गरेका थिए ।

कार्यक्रममा अन्तराष्ट्रिय लिम्बु टिकटक प्रतियोगिताका संयोजक मौसम लिम्बु (फु?लेन्देको बाउ), अन्तराष्ट्रिय पालामका प्रथम विजेता सुनिता केदेम लाबुङ लगायतलाई सम्मान गरिएको थियो । सो कार्यक्रममा प्रतियोगीहरुले हाक्पारे साम्लो प्रस्तुत गरेका थिए ।

विश्वव्यापी अनलाइन हाक्पारे प्रतियोगिता कार्यक्रमले लिम्बु जातीको कला, संस्कार, संस्कृति र पहिचानको संरक्षण र सम्बद्र्धन गर्न मद्दत पुगोस भन्ने उद्देश्यले आयोजना गरिएको संयोजक चेम्जोङ्ले बताए । कार्यक्रमलाई सेवारो युट्युव च्यानलबाट प्रशारण गरिएको थियो ।

सम्बन्धित समाचार

उभौली र यक्वा तङ्नाममा प्रदेशमन्त्री र सदस्यहरु आए अवरोध हुने

ललितपुर, ११ जेठ । प्रदेश १ मा बसेबास गर्ने किरात राई, लिम्बू (याक्थुङ्), सुनुवार, याक्खा लगायत किराती समुदायको विहीबार वैशाख शूल्क पूर्णिमादेखि साकेला उभौली चार्ड सुरु भएको छ । यो बर्ष पनि किरातीहरुले यो पर्वलाई...

माङसेबुङ ६ मा पाँच दिने आधारभूत उद्घोषण तालिम सुरु

दमक, झापा । इलामको माङसेबुङ गाउँपालिकामा पाँच दिने आधारभूत उद्घोषण तालिम सुरु भएको छ । वडास्तरीय महिला समन्वय समितिको आयोजनामा मंगलबार देखि माङसेबुङ ६, चिसोपानी स्थित बाँझो स्वास्थ्य कार्यालयको सभाहलमा उक्त तालिम सुुरु भएको हो ।...

किरातीहरुले मनाउँदै उभौली

ललितपुर, १० जेठ । किरात जातीहरुले हरेक वर्ष वैशाख शुक्ल पूर्णिमाका दिन भूमेस्थानहरुमा पूजा आराधना गरी उभौली मनाउँदैछन् । बालीनाली लगाउनुअघि विभिन्न गाउँठाउँमा रहेका भूमेस्थान लगायत प्राकृतिक स्थलहरुमा राम्रोसँग फलोसफुलोस् भनी प्रकृतिको पूजा आराधना गरिने...

आज २५६८औं बुद्ध जयन्तीः विश्वभरी विविध कार्यक्रम गरी मनाईदै

ललितपुर, १० जेष्ठ । शान्तिका अग्रदूत एसियाका ताराका रुपमा विश्वमा परिचित सिद्धार्थ गौतम अर्थात् गौतम बुद्धको आज २५६८ औं जयन्ती विश्वभरि विविध कार्यक्रम गरि मनाइँदैछ । प्रत्येक वर्ष वैशाख शुक्ल पूर्णिमाका दिन बुद्धजयन्ती मनाउने परम्परा...