दमक । झापाको दमक ८ स्थित शिखरज्योति इङलिस बोर्डिङ स्कूलले स्वास्थ्य सम्बन्धी सचेतना कार्यक्रम आयोजना गरेको छ । विद्यार्थी तथा अभिभावकहरुको उपस्थितिमा स्वास्थ्य सम्बन्धी विभिन्न किसिमका सचेतना कार्यक्रम गर्दै आएको स्कुलले यस पटक पानी सम्बन्धी कार्यक्रम सम्पन्न गरेको हो ।

बढ्दो शहरीकरणसँगै शुद्ध पिउने पानीको अभाव बढिरहेको समयमा विद्यालयले मानव जीवनमा पानीको महत्व र शुद्ध पानी कसरी पिउन सकिन्छ भन्ने कुरालाई जोडन यस्तो कार्यक्रम गरेको जनाएको छ ।

सामान्य पानी भन्दा आयोनाइज्ड अल्काइन पानीले शरीरमा भएका विभिन्न रोगलाई समेत हटाउन सक्ने दावी गर्दै आएको पानी प्रयोग सवैले प्रयोग गर्न गराउनका लागि कार्याक्रम गरिएको स्कूलकी फाउण्डर मनु पन्दाकले बताइन ।कार्याक्रममा आयोनाइज्ड अल्कालाइन पानीको प्रयोगसम्बन्धी जानकारी दिन आइ केयरका फाउण्डर पासाङ लामा, भिमध्वोज लामा सहितको प्रदर्शनीका प्राविधिकको टोली काठमाण्डौंबाट आएका छन् । आयोनाइज्ड अल्कालाइन पानीबारे झापामा यो पहिलो पटक चर्चा र प्रदर्शनी गरिएको कार्यक्रमका सहजकर्ता प्रेमदिप थाम्सुहाङ्गले बताए ।

विद्यालयको प्राङ्गणमा भएको कार्यक्रममा जापानिज टेक्नोलोजिबाट बनेको पानि शुद्ध पार्ने मेसिन प्यरप्रोबाट शुद्धिकरण गरिएको अल्कालाइन पानिको प्रदर्शनी गरिनुका साथै सामान्य पानि र अल्कालाइन पानिको भिन्नताबारे प्रत्यक्ष प्रदर्शन समेत गरिएको थियो ।

विद्यालयको डाइरेक्टर मनुु पन्धाकको अध्यक्षतामा तथा आइकेयर मार्टका फाउण्डर पासाङ लामाको प्रमुख आतिथ्यतामा सम्पन्न भएको कार्यक्रममा स्थानीय समाजसेवी, अभिभावक र विद्यार्थी लगायत मार्टका प्रतिनिधिहरुको सहभागिता रहेको थियो ।

(तस्वीरः सुसन राइ)