दमक। वि.सं. २०६५ चैत्र ६ गतेका दिन स्वतन्त्र विद्यार्थी युनियन (स्ववियू)को चुनाव प्रणाली समानुपातिक प्रणालीबाट गरिनु पर्छ भन्ने संघीय लोकतान्त्रिक राष्ट्रिय मञ्च सम्बद्ध विद्यार्थी संगठन संघीय विद्यार्थी युनियनको आन्दोलनका क्रममा झापाको धुलाबारी क्याम्पसमा प्रहरीको गोली लागि शहीद हुनु भएका मनिल तामाङको आज १३औं स्मृति दिवस विविध कार्यक्रम गरि मनाउने मञ्चले जनाएको छ ।

मञ्चका भातृ संगठन विद्यार्थी युनियनले लिम्बुवानका सबै जिल्लामा र स्थानीय तहमा समेत कार्यक्रम गर्ने जनाएको छ । त्यसैगरी प्रवासमा रहेको मञ्चको प्रवास समितिहरुले पनि विद्यार्थी राष्ट्रिय शहिद तामाङकाे सम्झनामा विविध अन्तरक्रियात्मक कार्यक्र गरिने अन्तराष्ट्रिय समन्वय मञ्चका संयोजक यूके प्रवासका प्रमुख सल्लाहकार चन्द्र कुमार लिङ्देनले बताएका छन् ।

यसैगरी आज शहिद राजकुमार आङदेम्बे माङतोक–मनिल तामाङ स्मृति प्रतिष्ठानले शहिद तामाङकाे समाधी रहेको पृथ्वीनगर झापामा श्रद्धाञ्जली कार्यक्रम गर्ने बताएको छ । प्रतिष्ठानका महासचिव दिल कुमार लावतीले शहिद तामाङ्को १३औं स्मृति दिवसको अवसरमा प्रत्येक बर्ष गर्दै आईरहेको उक्त कार्यक्रम यो बर्ष पनि गर्ने बताएका हुन् । त्यसैगरी शहिद तामाङ्को शालिक बनाउने तयारी समेत भईरहेको उनले बताए । सो बारे धुलाबारी क्याम्पससँग छलफल भईरहेको समेत उनले बताए ।