लोक गायक एलपी जोशीको निधन
दमक, ११ असार । दमक निवासी लोकप्रिय लोक गायक लक्ष्मीप्रसाद (एलपी) जोशीको निधन भएको छ । बिहीबार ८८ वर्षीया गायक तथा गीतकार जोशीको झापाको विर्तामोडमा निधन भएको हो । वि.सं. १९९३ सालमा धनकुटा बजारमा जन्मिएका...
दमक/ इलामको चुलाचुलीमा लिम्बूवान स्वायत्तता हाम्रो प्रतिबद्धता “किराँत याक्थुङ चुम्लुङ गाउँ शाखा, चुलाचुली”ले बिहीबार एक दिवसीय संगठन सुदृढीकरण तथा राष्ट्रिय जनगणना २०७८ विषयकमाथि अन्तरक्रिया कार्यक्रम सम्पन्न गरेको छ ।
“मजबुत विश्वसनीय लिम्बू जनसंख्या निर्माणको लागि जनगणनामा सबै सहभागी बनौं” अभियान चुलाचुली २ को वडा कार्यालयको सभाहलमा आयोजना गरिएको कार्यक्रममा किरात याक्थुङ चुम्लुङका केन्द्रिय उपाध्यक्ष डा. कमल तिगेलाको प्रमुख आतिथ्यतामा भएको हो ।
बिशिष्ट अतिथिमा किरात याक्थुङ चुम्लुङका केन्द्रिय उपाध्यक्ष याम योङहाङ, सचिवालय सदस्य बिन्दु आङबोहाङ, युवा नेता राजेन्द्र केरुङ र उक्त वडाका वडा अध्यक्ष रण बहादुर लिम्बू लगायतको कार्यक्रममा उपस्थिति रहेको थियो ।
संगिता तुम्बापोले संचालन गरेको कार्यक्रम किरात याक्थुङ चुम्लुङ केन्द्र र किरात याक्थुङ चुम्लुङ, जिल्ला शाखा इलामको सहजिकरण रहेको थियो । किरात याक्थुङ चुम्लुङ गाउँ शाखा, चुलाचुलीका अध्यक्ष सागर जवेगुको अध्यक्षतामा कार्यक्रम सम्पन्न भएको थियो ।
(तस्वीरः चेतन आङ्थुपाे)
