दमक। संचारकर्मी देशराज नेम्बाङ्को निर्देशनमा ‘सुर्यको पहिलो किरणसँगै’ भिडियो सार्वजनिक गरेको छ । समदर्शी सञ्चार प्रालिले सो भिडियो निर्माण गरेको हो ।

मञ्जील बस्नेतको शब्द संगीत तथा अजय लिम्बू स्वरमा रहेको गीत ‘सुर्यको पहिलो किरण सँगै’ को म्यूजिक भिडियो प्रालिले आफ्नै यूट्यव च्यानलबाट सार्वजनिक गरेको हो ।

सुरज लिम्बुको सह–निर्देशन रहेको सो म्युजिक भिडियोमा सुरज लिम्बु र सुुमीजंग रानाको मुख्य भुमिका रहेको छ । अतिथि कलाकारको रुपमा रोशन शंकरको अभिनय हेर्न सकिनेछ ।

म्यूजिक भिडियोमा आफुले मनैदेखि मन पराएको व्यक्तिलाई मनको कुरा व्यक्त गर्न नसक्दाको पीडा उजागर गरिएको छ । कलेज लाईफमा केटाको सौंख लेखक बन्ने हुन्छ । केटी रोमान्टिक हुन्छे । केटाको कुरा केटीले खासे गहिरो रुपमा लिएको हुँदिनन् । जब केटा केटीको नजिक हुन खोज्छ । आफ्नो मनको कुरा व्यक्त गर्न खोज्छ तर केटीले अर्कै संसार रोजी सकेको हुन्छे । यसरी मनभित्रको माया एउटा सम्झनाको रुपमा सिमित हुन्छ ।

चुलाचली इलाममा रहेको झण्डी डाँडालगायत झापा दमकको सेरोफेरोमा छायाँकन गरिएको सो भिडियो अरुण राई, सन्देश राई र अन्जान गिरीको छायाँकनमा बनेको छ ।

(भिडियाे तल हेर्न सक्नुेहुनेछ)