दमक। दमक जेसीजले शेयर कारोबार सम्बन्धी तीन दिने आधारभूत तथा प्राविधिक विश्लेषण तालिम शुरु गरेको छ । स्थानीय थ्रीइन्क होटलमा शुक्रबारदेखि शुरु भएको तालिममा ३५ जना प्रशिक्षार्थीहरुको सहभागिता रहेको छ ।

तालिममा शेयर संसारका प्रशिक्षक सगुन शाक्य र सन्दिप राना सहजकर्ता रहेका छन् । प्रदेश नं. १ का सभा सदस्य तथा सुसाशन, योजना आयोगका सभापति अर्जुन राईको प्रमुख आतिथ्यतामा भएको तालिममा शेयर कारोवार विषयमा दमकमा रहेका स्थानीयहरुलाई प्रशिक्षण दिनलाई सो तालिम शुरु गरिएको दमक जेसीजका महासचिव निरोज आचार्यले जानकारी दिए ।

तालिम उद्घाटन कार्यक्रमको अध्यक्षता दमक जेसीजका निवर्तमान अध्यक्ष कमल कटुवालले गरेका थिए भने उद्घाटन कार्यक्रमको संचालन महासचिव आचार्यले गरेका थिए ।