फिदिम। आउँदाे चैत्र २५ गते हुन लागेको नेपाल पत्रकार महासंघ पान्थरकाे अधिवेशनमा पान्थर जिल्लाका ३ पेशागत पत्रकार संगठनहरुले एकताबद्ध भई सहकार्य गर्ने भएका छन् । शुक्रबार बसेको ३ पत्रकार संगठनहरुले एकताबद्ध भई सहकार्य गर्ने निर्णय गरेका हुन ।

नेपाल प्रेस युनियन पाँचथरको कार्यालयमा बसेको बैठकले नेपाल प्रेस युनियन, संघीय पत्रकार मञ्च र प्रेस मञ्च नेपालले पत्रकार महासंघको अधिवेशनमा एकताबद्ध भई सहकार्य गर्ने निर्णय गरेका हुन । साथै बैठकले महासंघको अधिवेशनमा अन्य पेशागत पत्रकार संगठनहरुलाई एकतावद्ध हुन आब्हान गरेको छ ।

बैठकपछि संयुक्त प्रेश विज्ञप्ती जारि गर्दै अन्य संगठनहरुलाई एकतावद्ध हुन आब्हान गरेको हो । संयुक्त प्रेश विज्ञप्तीमा नेपाल प्रेस युनियनको तर्फबाट नेपाल प्रेस युनियन पाँचथरका अध्यक्ष जितेन्द्र भण्डारी, संवाद तथा समन्वय समितिका संयोजक एकराज भण्डारी, संघीय पत्रकार मञ्च पाँचथरका सचिव उपेन्द्र येक्तेन र प्रेस मञ्च नेपालका प्रदेश १ का सदस्य युद्धबहादुर बोहोराको हस्ताक्षर रहेको छ । नेपाल पत्रकार महासंघको आगामि चैत्र २५ गते केन्द्रसँगै ७७ वटै जिल्लामा एकैदिन अधिवेशन हुने वताइएको छ ।