लिवि मञ्चले मनायो २३औं स्थापना दिवस

 लिम्बुवान न्युज
                       

लिम्बुवानखबर। लिम्बु विद्यार्थीको हकहितको निम्ति स्थापना गरिएको लिम्बु विद्यार्थी मञ्चले आफ्नो २३औं स्थापना दिवस विविध कार्यक्रम गरि मनाएको छ । शनिबार मञ्चको केन्द्रीय समितिले ललितपुर चुम्लुङ हिममा शुभकामना तथा सम्मान कार्यक्रम आयोजना गरेको छ ।

किरात याक्थुङ चुम्लुङका केन्द्रीय उपाध्यक्ष प्रेम येक्तेनको प्रमुख आतिथ्यता रहेको उक्त कार्यक्रममा लोकसागर साम्बा, यासेली योङहाङ लगायतको उपस्थिति रहेको थियो । कार्यक्रममा सम्झना लिङ्देन, माङसेबुङ वडा नं. ५ का लिम्बु भाषाका दोभाषे सुनिल शेर्मा लगायतलाई सम्मान गरिएको थियो । लिवि मञ्चका अध्यक्ष दिपा लक्समको अध्यक्षता रहेको कार्यक्रमलाई महासचिव गुल्सन आङबुहाङले संचालन गरेका थिए ।

त्यसैगरी धरानको चुम्लुङ हिममा समेत कार्यक्रम भएको छ भने झापाको दमक, मोरङको पथरी, पान्थरको चुम्लुङहिम, इलाम, ताप्लेजुङ, तेह्रथुम लगायतका लिम्बुवानको सबै जिल्लाहरुमा २३औं स्थापना दिवसको अवसरमा लिम्बुवानमा लिम्बु विद्यार्थीहरुको भूमिका बारे अन्तरक्रियात्मक कार्यक्रम समेत भएको मञ्चका महासचिव गुल्सन आङबुहाङ्ले बताए ।

मञ्चको जिल्ला कार्य समिति सुनसरीलाई कार्यालय व्यवस्थापनको लागि कियाचु सुनसरीको भवनको एउटा कोठा उपलब्ध गराउने निर्णय समेत भएको छ । लिवि मञ्च सुनसरी समितिले अघिल्लो दिन विजयपुर दरबार परिसरमा सरसफाई गरि दिप प्रज्वलन समेत गरेको थियो ।
यसरी नै झापाको दमक बहुमुखी क्याम्पसमा आयोजित कार्यक्रममा लोक सेवा तथा बैंकिङ सम्बन्धी अभिमुखिकरण सम्बन्धि तालिम विद्यार्थीहरुलाई प्रदान गरेको छ ।

लिम्बु विद्यार्थी मञ्चको स्थापना २०५५ साल चैत्र ६ गते स्थापना भएको हो ।

सम्बन्धित समाचार

बाँकी जिन्दगी पहिचान प्राप्तिको लागि समर्पित गर्नेछुः सरक्षक रेशम चौधरी

काठमाडौं । नागरिक उन्मुक्ति पार्टीका संरक्षक रेशम चौधरीले मेरो गर्जाईबाट माइक्रोफोन बन्द हुन्छ भने तपाईं हामी सबै पहिचानबादीहरुको हुंकारबाट सिंहदरबार र नस्लबादीहरुलाई हल्लाउन बेर नलाग्ने बताएका छन् । परासीमा भएको स्वागत कार्यक्रममा बोल्दै पार्टीका संरक्षक...

अब कोही नेपाली नागरिक भूमिहीन भएर बस्नु पर्दैन – मन्त्री श्रेष्ठ

दमक, २४ जेष्ठ । भूमि व्यवस्था, सहकारी तथा गरिबी निवारण मन्त्री रन्जिता श्रेष्ठले अब कोही पनि नेपाली नागरिक भूमि अधिकारबाट वञ्चित हुनु नपर्ने बताएकी छिन् । आज (बुधबार) इलाम र झापाका ५४ परिवार भूमिहीन सुकुम्वासीहरुलाई...

लिम्बु संस्कृतिमा बनेको चलचित्र ‘लुङा’को फर्स्ट लुक सार्वजनिक

दमक। लिम्बू संस्कृतिमा बनेको चलचित्र ‘लुङा’को फर्स्ट लुक पोस्टर सार्वजनिक गरिएको छ । उक्त चलचित्र साउन ५ गतेबाट देशभर प्रदर्शनमा आउने भएको छ । सार्वजनिक फर्स्टलुकमा चलचित्रका मुख्य पात्रलाई स्थान दिइएको छ । बुद्धि तामाङ,...

पहिचान माग्दा थारुलाई जातीय आरोप लगाई जेल हालियोः रेशम चौधरी

काठमाडौं, २१ जेष्ठ । नागरिक उन्मुक्ति पार्टीका संरक्षक रेशम चौधरीले थारुहरुले आफ्नो परिचान माग्दा जातियवादको आरोप लाग्ने गरेको बताएका छन् । आइतवार तुलसीपुरमा नागरिक अभिनन्दन कार्यक्रमलाई सम्वोधन गर्दै उनले आफुहरु जातीयवादी नभएको प्रष्ट पार्दै केही...