क्यान्सरपिडित कलाकार देउमान केरुङ सहयोगार्थ साँगीतिक साँझ हुने

 लिम्बुवान न्युज
                       

दमक। क्यान्सरपिडित कलाकार तथा संगीत व्यवसायी देउमान केरुङ सहयोगार्थ बृहत साँगीतिक साँझ हुने भएको छ ।

नयाँ बर्ष २०७८ बैशाख २५ गते शनिबारको दिन राष्ट्रिय नाचघर जमल काठमाडौमा नेपालका करिब चार दर्जन बढी ख्यातिप्राप्त कलाकारहरुको प्रस्तुतीमा उक्त साँगीतिक साँझ हुने भएको हो ।

जुनतारा सांस्कृतिक सेवा समाजको मुख्य आयोजनामा हुन लागेको उक्त कार्यक्रम बिशुद्व सहयोग सङ्कलनको लागि गर्न लागिएको समाजका अध्यक्ष तथा कार्यक्रम संयोजक हाँस्यकलाकार गणेश इशाराले बताए ।

पाँचथरको फालेलुङ ३, एकत्तिन जोरपाटीमा २०२२ साउन ३२ गते लक्ष्मण केरुङ र सरानी पन्धाक केरुङको कोखबाट जन्मेका देउमान बिगत डेढ बर्ष देखि फोक्सोको क्यान्सरबाट पिडित छन् ।

करिब २० लाख बढी खर्च गरेर भारतको राजिव गान्धी अस्पतालमा फोक्सोको सफल शल्यक्रिया गरेको ६ महिना नबित्दै पुनः समस्या दोहोरिएको छ ।

हाल उनी नेपाल क्यान्सर अस्पताल हरिसिद्विमा नियमित परिक्षण गर्दै आएका छन् । मासिक करिब ७० हजार बढिको नियमित औषधी सेवन गर्नुपर्ने भएकोले उनी अत्यन्तै ठूलो आर्थिक संकटमा परेका छन् ।

आजीवन गीत संगीतको उत्पादन बजार प्रवर्द्धन गर्दै इना क्यासेट सेन्टरको प्रबन्धक समेत रहेका देउमान यतिखेर अत्यन्तै जटिल समस्यामा परेका छन् ।

यस्तो अवस्थामा पुनः थोरै थोरै भएपनी आर्थिक सहयोग पुर्याउने उद्देश्यले उक्त कार्यक्रम गर्न लागिएको संयोजकले बताए ।

एक श्रष्टा सदैब राष्ट्रको लागि योगदान दिएपनि अन्तमा अति कष्टकर जीवन गुजार्नुपर्ने बिडम्बना रहेकोले मानवियताको नाताले पनि सक्दो सहयोगको अपिल गर्दै कलाकारहरु एकजुट हुने उद्देश्यले समेत गर्न लागिएको सहयोगार्थ साँगीतिक साँझको लागि संयोजक इशारासँग प्रत्यक्ष ९८०८८५७६९३ मा सम्पर्क गर्न सकिने आयोजकले जनाएको छ ।

भिडियो हेर्नुहोस – सहयाेगकाे अपिल सहित कलाकार -पार्वती राइ

सम्बन्धित समाचार

दमकमा पहिचानको सवालमा याक्थुङ युवाहरूको भूमिका विषयमा अन्तरक्रिया कार्यक्रम सम्पन्न

दमक । झापाको दमकमा पहिचानको सवालमा याक्थुङ युवाहरूको भूमिका विषयमा अन्तरक्रिया कार्यक्रम तथा २०८१ सालको पात्रो विमोचन कार्यक्रम सम्पन्न भएको छ । शुक्रबार झापाको दमकमा अवस्थित किरात भवनमा पहिचान र अस्तित्व वचाऔं, सम्पुर्ण याक्थुङ युवाहरु...

पहिचानवादी साझा स्वतन्त्र उम्मेदवार डकेन्द्र सिंह लिम्बु (थेगिम)ले पाए चुनाव चिन्ह ‘मुढा’

दमक, २८ चैत्र । आगामी बैशाक १५ गते इलाम निर्वाचन क्षेत्र नं. २ मा हुने उपनिर्वाचनका लागि पहिचान पक्षधरका साझा स्वतन्त्र उम्मेदवार डकेन्द्र सिंह थेगिमले चुनाब चिन्ह हातले बुनेको ‘मुढा’ पाएका छन । मंगलबार निर्वाचन...

आजबाट निर्वाचन आचारसंहिता लागू

दमक, चैत्र २८ । आगामी वैशाख १५ गते हुने उपनिर्वाचनका लागि इलाम र बझाङमा जिल्लाभर निर्वाचन आचारसंहिता लागू भएको छ । इलाम जिल्लाको क्षेत्र नम्बर २ र बझाङ १ को प्रदेश सभा निर्वाचन क्षेत्र नम्बर...

पहिचानवादीहरुको साझा उम्मेदवार डकेन्द्र सिंह लिम्बु (थेगीम) सहित २० जनाको उम्मेदवारी मनोनयन

इलाम, २५ चैत्र। १५ वैशाखमा इलाम–२ मा हुने उपनिर्वाचनका लागि पहिचानवादीहरुको साझा स्वतन्त्र उम्मेदवार डकेन्द्र सिंह लिम्बु (थेगीम) सहित विभिन्न दल र स्वतन्त्र उम्मेदवार गरी २० जनाले मनोनयन दर्ता गराएका छन् । शनिबार इलामस्थित मुख्य...