राष्ट्रपति विद्यादेवी भण्डारीसमक्ष रेशम चौधरीलगायत टीकापुर राजबन्दीहरुलाई रिहाईको माग

 लिम्बुवान न्युज
राष्ट्रपति विद्यादेवी भण्डारीसमक्ष रेशम चौधरीलगायत टीकापुर राजबन्दीहरुलाई रिहाईको माग

काठमाडौं । राष्ट्रपति विद्यादेवी भण्डारीले रेशम चौधरीलगायत टीकापुर राजबन्दीहरुलाई रिहाइका लागि सम्बन्धित निकायहरुसँग समन्वय गर्ने बताएकी छन् । गत विहीबार थारु कल्याणकारिणी सभाको टोलीले बुझाएको ज्ञापनपत्र बुझ्दै उनले सम्बन्धित निकायको ध्यानाकर्षण गराउने बताएकी हुन् ।

‘ज्ञापन पत्र बुझाउन आउनुभएका यहाँ सबै जनालाई स्वगात गर्न चाहन्छु । मैले पनि यस विषयमा सनेको छु । यस विषयमा सम्बन्धित निकायसँग समन्वय गर्न पहल गर्नेछु,’ राष्ट्रपतिको भनाइ उदृत गर्दै सभाका महामन्त्री प्रेमीलाला चौधरीले भने ।

उनका अनुसार थारुका माग मुद्दा र टीकापुर घटनाका जेलबन्दीहरुलाई रिहाइ गर्न राष्ट्रपतिलाई ध्यानाकर्षण पत्र बुझाइएको हो ।

ज्ञापन पत्र बुझाउन सभाका महामन्त्री प्रेमीलाल चौधरी, रुम्किणी चौधरी, सभाको उपत्यका समितिका सभापति सत्यनारायण चौधरी, सांसद पद्यनारायण चौधरी, एमाले नेता भगवती चौधरी, थारु महिला समाजका अध्यक्ष गीता चौधरी, थारु विद्यार्थी समाजका अध्यक्ष चन्द्रप्रसाद चौधरीलगायत थिए ।

सभाले माइतीघर मण्डलामा आइतबारदेखि नियमित धर्ना पनि सुरु गरेको छ । ‘प्रधानमन्त्रीजी तपाइँ कता? हामी यता’ भन्दै थारु अगुवाहरु माइतीघर मण्डलामा धर्ना सुरु गरेका छन् ।

महामन्त्री चौधरीका अनुसार सरकारले रेशम चौधरीलाई रिहाइ नगरेसम्म धर्ना नियमित एक घण्टा आयोजना हुनेछ । सभाले हरेक दिन दिउँसो १ बजेदेखि २ बजेसम्म धर्नाको आयोजना गर्दै आएको छ । (थारुवानडटकमबाट)

सम्बन्धित समाचार

लिम्बुवानद्वारा सरकारलाई औपनिवेशिक नीति रोक्न चेतावनी

दमक। सरकारले आदिवासी जनजाति माथिको औपनिवेशिक नीति रोक्न संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्चले चेतावनी दिएको छ । आदिम सृष्टिकालदेखिनै ताप्लेजुङ् जिल्लामा अवस्थित मुक्कुमलुङ हिमालको नाम परिवर्तन गरी पर्वते भाषाकरण गरेकोमा त्यसको विरोध...

छैठौं संस्करणको विराट गोल्डकपको उपाधी एपीएफलाई

विराटनगर । विराटनगरमा जारी विराट गोल्डकपको छैठौं संस्करणको उपाधि विभागीय टिम सशस्त्र प्रहरी (एपीएफ) काठमाडौंले जितेको छ । शनिबार विराटनगर स्थित सहिद मैदानमा सम्पन्न फाइनलमा पाहुना टोली भारतको पंजाव पुलिसलाई १–० ले हराउँदै एपीएफले उपाधि...

माङसेबुङ् २ र ३ को विजयी यात्रासँगै वडास्तरीय फूटबल प्रतियोगिता शुरु

माङसेबुङ। इलामको माङसेबुङमा जारी अन्तर वडास्तरीय पुरूष फुटबल प्रतियोगितामा वडा नं. ३ ले विजयी सुरुवात गरेको छ । शनिबार भएको पहिलो खेलमा वडा नं. ३ ले वडा नं. २ लाई सुन्यका विरुद्ध १ गोल गर्दै...

लाओती सयङको पाँचौं महाधिवेशन लुम्फाबुङमा हुँदै

पान्थर। पापोहाङ लाओती सयङको पाँचौ केन्द्रिय महाधिवेशन पान्थरको फेदेन नगरपालिका ९ लुम्फाबुङमा हुने भएको छ । आगामी बैशाख १३ र १४ गते दुई दिन विभिन्न कार्यक्रम सहित सम्पन्न हुने भएको छ । बैशाख १३ गते...