काठमाडौं। पाँचथरका  कवि तथा संचारकर्मी सन्देश सुब्बाको गजल कृति ‘सम्झनाको आँधी’ विमोचन गरिएको छ ।

गजलकार ललितजंग रावल, लिम्बूवानका अभियन्ता वीर नेम्वाङ, पूर्वराज्यमन्त्री श्रीप्रसाद जबेगू, कवि बिमला तुम्खेवा, लेखक प्रकाश आङ्देम्बे र शकुन्तला जोशीले आज चुम्लुङ हिमले ललितपुरमा संयुक्त रूपमा कृति विमोचन गरेका छन्।

शक्तिशाली भाव अभिव्यक्त गर्ने सुब्बाले सङ्ग्रहमा ६१ वटा गजल समावेश गरेका छन् । उनको यसअघि ‘आगोको सौन्दर्य’ कविता संग्रह प्रकाशन भएको छ । कार्यक्रममा कियाचुका पदाधिकारी एवं साहित्यकारहरुको उपस्थिति रहेको थियो ।

कवि तथा गजलकार सुब्बा आदिवासी जनजाति पत्रकार महासंघ प्रदेश नं. १ का सचिव समेत हुन् ।