धरान। संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालमा धरानमा सामाजिक रुपमा सक्रिय महिलाहरु प्रवेश गरेका छन् । मञ्चको भातृसंगठन संघीय लिम्बुवान महिला मञ्च धरान नगर कार्य समितिले आयोजना गरेको अन्तरक्रिया तथा भेटघाट कार्यक्रममा नवप्रवेशी महिलाहरुलाई स्वागत गरिएको हो ।

गत आइतबार आयोजित उक्त कार्यक्रममा मञ्जु हुक्पा चोङबाङ, अन्जु लिम्बु, अनिता लिम्बु, सोना लिम्बु, अम्बिका लिम्बु, सम्झना राई, अस्मिता लिम्बु, विष्णु माया लिम्बु, माया लिम्बु, प्रमिला लिम्बु, तुला लिम्बु, चन्द्रमाया लिम्बु र धनरानी लिम्बु गरी १३ जनाले लिम्बुवान मञ्चमा प्रवेश गरेका हुन् ।

कार्यक्रममा मञ्चका केन्द्रीय उपाध्यक्ष एवम् प्रदेश १ सदस्य विष्णु तुम्बाहाम्फे, प्रान्तीय सचिव पूर्णकला तेयुङ, सचिवालय सदस्य साजन याक्खा, सावित्रा लिम्बु, जिल्ला समितिका पदाधिकारीहरु, महिला मञ्चका नेत्रीहरुको उपस्थिति रहेको थियो । उक्त कार्यक्रम महिला मञ्चका धरान नगर अध्यक्ष नर्वदा लिम्बुको अध्यक्षतामा भएको थियो ।