काठमाडौं। नयाँ सदस्यता वितरण लगायतका विषयमा नेपाल पत्रकार महासंघको कार्यशैलीप्रति असहमति जनाउँदै प्रेस मन्च नेपालले बिहिबारबाट थालेको आन्दोलन दुई बुँदे सम्झौतासँगै स्थगन भएको छ ।

विभिन्न मागसहित नेपाल पत्रकार महासंघ केन्द्रीय कार्यालयमा मन्चले धर्ना दिएपछि बिहिबार साँझ दुई पक्षबीच लिखित सम्झौता भएको हो । यसअघि मन्चका अध्यक्ष केशव अर्याल सहितको टोलीले महासंघ केन्द्रीय कार्यालयमा धर्ना दिएको थियो ।

मन्च र महासंघबीच भएको दुई बुँदे सम्झौतामा मन्चले उठाएका सदस्यता लगायत माग सम्बोधन गर्न प्रतिवद्धाता जनाइएको छ । त्यस्तै आगामी चैत्र २५ गतेलाई तोकिएको निर्वाचन घोषित मितिमै सम्पन्न गर्न मन्च प्रतिवद्ध रहेको उल्लेख छ ।

सहमतिपत्रमा मन्चका महासचिव निमेश कर्ण र महासंघका सचिव प्रकाश थापाले हस्ताक्षर गरेका छन् ।