डाँफे बचत तथा ऋण सहकारीमा दुई सहकारी समायोजन

 लिम्बुवान न्युज
                       

लिम्बुवानखबर। दमक ५ मा रहेको डाँफे बचत तथा ऋण सहकारी संस्थासँग बिर्तामोडका दुई वटा सहकारी एकीकरण गरिएको छ । विर्तामोड ४ मा सञ्चालित अरनिको बचत तथा ऋण सहकारी संस्था र बिर्तामोड ५ मा सञ्चालित त्रिशक्ति बहुउद्देश्यीय सहकारी संस्थाले डाँफेसंग एकीकरण गरेको हो ।

राष्ट्रिय सहकारी महासंघ नेपालका अध्यक्ष मिनराज कडेलको प्रमुख आतिथ्यमा बुधबार बिर्तामोडमा आयोजित एकीकरण घोषणा गरिएको हो । सहकारीहरुबीचको एकीकरणले ‘सिनर्जी’ पैदा गरिरहेको बताउँदै अध्यक्ष कडेलले सदस्यको चौतर्फी आवश्यकता सम्बोधन गर्न एकीकरणको विकल्प नरहेको प्रष्ट पारे ।

सहकारीहरुको एकीकरण विश्वव्यापी अभ्यास भएको पनि कडेलले उदाहरणसहित जानकारी गराए । तीनवटै संस्थाका अध्यक्षले सहकारी एकीकरण वर्तमानको आवश्यकता भएको बताए । एकीकरण पछि डाँफे साकोस नै नामाकरण गरिने सहमति भएको डाँफे शाकोस संस्थाका अध्यक्ष तुलाराम न्यौपानेले बताए ।

उनले प्रदेश सहकारी रजिष्ट्रारको कार्यालयबाट एकीकरणको स्वीकृति लिएर कारोबार पनि एकीकृत हुन थालेको घोषणासभामा जानकारी गराए । २०६४ सालमा स्थापना गरिएको जिल्लाभर कार्यक्षेत्र स्वीकृत रहेको डाँफे साकोसको दमकमा मुख्य कार्यालय छ भने गौरादह, धरमपुर र बुद्धशान्तिमा यसअघिदेखि सेवा केन्द्र सञ्चालनमा आएका थिए ।

बिर्तामोडका दुईवटा सहकारीहरुसँग एकैपटक एकीकरण गरेसँगै यहाँ पनि सेवा केन्द्र थालिएको जानकारी गराउँदै अध्यक्ष न्यौपानेले अब संस्थामा ६ हजार हाराहारी शेयर सदस्य पुगेको बताए । ‘डाँफे एक्लैको ५५ करोड २९ लाखको वासलात थियो’ अध्यक्ष न्यौपानेले थपे ‘त्रिशक्तिको २ करोड हाराहारी र अरनिकोको १ करोड ४५ लाख थपिएपछि अब ६० करोड हाराहारीको वासलात पुगेको छ ।’

संस्था एकीकरण घोषणा समारोहमा त्रिशक्ति बहुउद्दश्यीय सहकारीका अध्यक्ष देवीप्रसाद भट्टराईले शेयर सदस्यको वित्तीय आवश्यकता पूरा गर्न र सुनिश्चित भविष्यको लागि डाँफेसँग एकीकरण गरेको बताए ।

यस्तै अरनिको साकोसका अध्यक्ष रोहित भट्टराईले ‘सहकारी आन्दोलनलाई थप सशक्त एवम् गतिशील बनाउन वर्तमानमा रहेका सानो वित्तीय सेवा गर्ने सहकारीहरु एकीकरण गर्नु नै उत्तम विकल्प भएको सञ्चालक समितिको निश्कर्ष पछि आजको दिन आएको’ प्रष्ट पारे ।

डाँफे सहकारीका अध्यक्ष न्यौपानेको अध्यक्षतामा भएको कार्यक्रममा राष्ट्रिय सहकारी महासंघका सञ्चालक सदस्य तथा झापा जिल्ला सहकारी संघका अध्यक्ष गणेश ढकाल, प्रदेश १ का सहकारी रजिष्ट्रार बलराम निरौला, राष्ट्रिय सहकारी कर्मचारी संघका केन्द्रीय सचिव खोमप्रसाद बगाल लगायतले सहकारी एकीकरणको आवश्यकता र सार्थकताका बारेमा बोलेका थिए ।

सम्बन्धित समाचार

दमक कृष्णमन्दिरमा निःशुल्क स्वास्थ्य शिविर सम्पन्न

दमक, ३१ वैशाख । झापाकाे दमक–४ स्थित कृष्ण मन्दिर परिसरमा विद्यालक्ष्मी एजुकेसन फाउन्डेसनको आयोजनामा तथा नेपाल आयुर्वेद स्वास्थ्यकर्मी समाजको सहकार्यमा एक दिने निशुल्क स्वास्थ्य प्रवर्द्धन शिविर सम्पन्न भएको छ। “मेरो स्वास्थ्य, मेरो जिम्मेवारी” भन्ने नारासहित ...

तेस्रो माइजोगमाई अध्यक्ष कपको उपाधि माङ्सेबुङलाई

दमक, ३१ वैशाख । माङ्सेबुङ गाउँपालिकाले तेस्रो माइजोगमाई अध्यक्ष कप अन्तरपालिका आमन्त्रित पुरुष फुटबल प्रतियोगिताको उपाधि जितेको छ ।  बुधबार सम्पन्न फाइनल खेलमा देउमाई नगरपालिकालाई टाइब्रेकरमा ४–१ गोल अन्तरले पराजित गर्दै माङसेबुङ च्याम्पियन बनेको हो । निर्धारित समय १–१ गोलको बराबरी पछि खेल टाइब्रेकरमा पुगेको थियो । दोस्रो हाफको ७औं मिनेटमा माङसेबुङका आशाङ लिम्बूले गोल गर्दै टिमलाई सुरुवाती अग्रता दिलाएका थिए । एक गोलले पछि परेको देउमाई २५औं मिनेटमा किरण...

निशुल्क १ महिने पेटानि (बाेन्हा) बुन्ने तालिमकाे समापन

अजित धिमाल उर्लावारी, ३१ वैशाख/ धिमाल जातीय विकास केन्द्र, केन्द्रीय समितिकाे आयाेजनामा भएकाे निशुल्क १ महिने पेटानि (बाेन्हा) बुन्ने तालिम सम्पन्न भएको छ । धिमाल परियाेजना स्थल, उर्लाबारी-३, मंगलबारेमा आज एक कार्यक्रमकाे आयाेजना गरि तालिम...

माेर्चालाई सशक्त बनाउन माेरङ जिल्ला स्तरिय अभियान सन्चालन हुने

बेलबारी, ३० वैशाख / संयुक्त पहिचानवादी माेर्चालाई सशक्त बनाउन माेरङ जिल्ला स्तरिय अभियान सन्चालन हुने भएकाे छ । पहिचानवादी माेर्चा, जिल्ला संयाेजन समिति, माेरङकाे साेमबार बेलबारीमा बसेकाे बैठकले माेर्चालाई सशक्त बनाउन संगठन बिस्तार, अन्तरकृया, भेटघाटलाई...