रेशम चौधरीद्वारा आफू वार्ता टोलीको संयोजक नभएको स्पष्टोक्ति

 लिम्बुवान न्युज
                       

काठमाडौं। जनता समाजवादी पार्टीका निलम्बित सांसद रेशम चौधरीले आफू वार्ता टोलीको संयोजक नभएको स्पष्ट पारेका छन् । हिजो मात्र थरुहट थारुवान राष्ट्रिय मोर्चाले उनकै संयोजकत्वमा पाँच सदस्य वार्ता टोली गठन भएको समाचार बाहिर आएसँगै उनले मेरो बारे मिथ्या समाचार प्रकाशन नगरिदिन अपिल समेत गरेका छन् ।

चौधरीले आफू जसपाको कार्यकारिणी सदस्य भएको बताउँदै मेरो अध्यक्ष महन्त ठाकुर हुनुहुन्छ । हाम्रा माग र मुद्दाहरुका निमित्त पार्टीमा अध्यक्षले नै कार्यदल बनाउने भएको हूादा यो मोर्चाको आफू कुनै पदमा नरहेको स्पष्ट पार्दै जेलमा रहेका मान्छेको दुःख पीडा आफ्नै हुने बताएका छन् । साथै राजवन्दी चौधरीले जेलमा बसेर संयोजक बन्न नमिल्ने भन्दै मेरोबारेमा भ्रम फैलाउन बन्द गर्न पनि आव्हान गरेका छन् ।

निलम्बि सांसद चौधरीको रिहाइको माग गर्दै काठमाडौं माइतीघर मण्डलामा धर्ना बसिरहेको मोर्चाले धर्ना दिई आइरहेको छ । उक्त धर्नामा बिहीबार गृहमन्त्री रामबहादुर थापा ‘बादल’ पुगेपछि कैलालीको हसुलियामा थारुवान–थारुहट राष्ट्रिय मोर्चाका केन्द्रीय संयोजक लक्ष्मण थारुको नेतृत्वमा बसेको राजबन्दी परिवारको बैठकले उक्त वार्ता टोली गठन गरेको खबर बाहिर आएको थियो ।

२०७२ सालमा प्रदेश विभाजनमा असन्तुष्ट थारु समुदायको आन्दोलनका क्रममा टीकापुरमा नेपाल प्रहरीका एसएसएसपी लक्ष्मण न्यौपानेसहित ७ जनाको मृत्यु भएको थियो । सो घटनामा सांसद रेशम चौधरी दोषी ठहर गर्दै राज्यले हाल जेलमा राखेको छ । अन्य थारु अगुवाहरु पनि कोही जेलमा छन् भने कोही फरार रहेका छन् ।

सम्बन्धित समाचार

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...

छथर गाउँपालिका, तेह्रथुम फाइनलमा प्रवेशः फाइनलमा तिजोक पाँचथरसँग भिड्ने

दमक, १४ मंसिर । इलामको माङ्सेबुङमा जारी आत्मानन्द कप फुटबल प्रतियोगितामा छथर गाउँपालिका, तेह्रथुम फाइनलमा प्रवेश गरेको छ । इलामको माङसेबुङ ५ स्थित प्रस्तावित आत्मानन्द रंगशालमा बुधबार भएको दोस्रो सेमिफाइनल खेलमा जलथल फुटबल क्लव झापालाई ३–०...