केर्खा, १४ चैत्र। संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल कमल १ मा वार्ड गठन कमिटि गठन भएको छ । मञ्चका केन्द्रीय उपाध्यक्ष ज्ञानुहाङ इम्बुङ्को प्रमुख आतिथ्यतामा १ नम्बर वडामा समिति विस्तार भएको हो ।
प्रमुख अतिथि ज्ञानु इम्बूङले देशमा संघीयता बिना केहि सम्भव छैन । विभिन्न जात जातिहरुको पहिचान र अस्तित्व बचाई राख्न एक हुनु पर्ने जोड़ दिएका छन् । जब राज्यले शोषण गर्छ जनताहरु अप्ठेरोमा परिरहन्छ त्यसैले जनताहरु चुप लागेर बस्नु हुँदैन । हामी आदिवासी, दलित, मधेश, मुस्लिम, खस समुदायहरु २४० वर्ष देखि एकात्मक केन्द्रिकृत शासन सत्ताको पेलाईबाट पीडि़त छौ । त्यसैले हामी जनताको घरघरमा पुगेर पहिचानको बारेमा जनतालाई प्रष्ट बुझाउनु पर्ने बताएका छन् ।
कार्यक्रममा उपमहासचिब भानु भट्टराई, लिम्बुवान भोलेन्टियर्सका केन्द्रीय कमाण्डर राजु राई, पहिचान सदस्य सूर्य योक्पाङदेन, संघीय दलित शिल्पी मञ्च झापा जिल्ला अध्यक्ष गणेश भित्रीकोटीले संगठन बारे प्रष्ट पारेको छन् ।
लाहान सिंह लिम्बु्को अध्यक्षतामा १५ सदस्यीय कार्य समिति गठन भएको छ । उक्त समितिको उपाध्यक्षमा दिल बहादुर विक, सचिब कुमार लिम्बु, सह–सचिब शान्ति लिम्बु, अर्थसचिवमा मुना विक रहेका छन् । त्यसैगरी सदस्यहरुमा गीता विक, चक्र बहादुर विक, रहर बहादुर विक लगायत रहेका छन् । त्यसैगरी लिम्बुवान भोलेन्टियर्स पाईमेरी कमाण्डरमा दिनेश चौधरी चयन भएका छन् ।
कार्यक्रममा एल.भी. केन्द्रीय उपकमाण्डर तथा कमल इंचार्ज बसन्त राज योङहाङ, मञ्च जिल्ला सदस्य नरेंद्र लावती ,मञ्चका क्षेत्रीय सदस्य महेन्द्र विष्ट, एल.भी. उपफिल्ड कमाण्डर सन्तोष मेन्याङ्म्बो, उपफिल्ड कमाण्डर आस बहादुर केरुङ, कमल सह–सचिब निरुता साउदेन, सिनियर शिभिल कमाण्डर बिपिन राई, हर्क साउदेन, छत्र साउदेन लगायतको उपस्थित रहेको थियो ।
मञ्चको कमल गा.पा. अध्यक्ष अमर लिम्बुको सभाध्यक्षतामा भएको कार्यक्रममा स्वागत मन्तव्य मञ्चका उपाध्यक्ष लिला लिम्बुले गरेकी थिईन भने कार्यक्रम संचालन मञ्चका कमल सचिव विजेन्द्र मेन्याङ्म्बोले गरेका छन् ।
ललितपुर, २७ पुष । किरात याक्थुङ चुम्लुङ लिम्बुवान प्रदेश समितिको तेस्रो अधिवेशन हुने भएकाे छ । कियाचु प्रदेश समितिका अनुसार माघ ३ गते सुनसरीकाे धरान उपमहानगरपालिकास्थित चुम्लुङ हिममा अधिवेशन गर्ने जनाइएकाे छ । आयोजक समितिले...
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७