४० बर्ष भारतीय जेलमा बन्दी बसेका दुर्गाप्रसादले पाए नागरिकता

 लिम्बुवान न्युज
                       

इलाम। ४० वर्ष भारतीय जेलमा बन्दी बनेर छुटेका इलाम माई नगर १० लुम्बाकका दुर्गाप्रसाद तिम्सिनाले नेपाली नागरिकता पाएका छन् । गत बिहीबार जिल्ला प्रशासन कार्यालय इलामले तिम्सिनालाई ६१ वर्षको उमेरमा नेपालको नागरिकता दिएको हो ।

दुर्गाका भतिजा गोपाल तिम्सिनाको सनाखतमा उनले नेपाली नागरिकता पाएका हुन् । जिल्ला प्रशासन कार्यालय इलामबाट प्रशासकीय अधिकृत देवीचरण फुँयालद्वारा हस्ताक्षरित ०३–०१–७७ –०३२५१ नम्बर भएको नागरिकताको प्रमाणपत्र दुर्गाले पाएका हुन् ।

नागरिकता लिन कार्यालय पुगेका उनलाई सहायक प्रमुख जिल्ला अधिकारी झरेन्द्र चापागाईंले खादा ओडाएर सम्मान गरेका थिए । उनको इलामको एकतप्पा गाविसको दोकानडाँडामा २०१७ साल साउन २० गते जन्म भएको हो ।

नागरिकता पाउँदा आफूलाई खुसी लागेको उनले प्रतिक्रिया दिए । उनीसँगै १ नं. प्रदेश सभा सदस्य धिरेन्द्र शर्मा रमण पनि प्रशासन कार्यालय पुगेका थिए । शर्मा नाताले तिम्सिनाका भाइ पनि हुन् ।

सम्बन्धित समाचार

स्रष्टा पब्लिकेसनले ल्यायो “सपनाहरुको बही”

दमक, जेष्ठ १२/ शुक्रबार झापाको दमकमा पूर्वेली साहित्यकारहरुको बाक्लो उपस्थितिमा साहित्यकार अभागी थेगुवाको कविता सङग्रह ‘सपनाहरुको बही’ को लोकार्पण भएको छ । झापाको दमक स्थित गोर्खा किचनको सभाहलमा स्रष्टा पब्लिकेसनद्वारा प्रकाशित साहित्यकार थेगुवाको कविता सङग्रह...

उभौली र यक्वा तङ्नाममा प्रदेशमन्त्री र सदस्यहरु आए अवरोध हुने

ललितपुर, ११ जेठ । प्रदेश १ मा बसेबास गर्ने किरात राई, लिम्बू (याक्थुङ्), सुनुवार, याक्खा लगायत किराती समुदायको विहीबार वैशाख शूल्क पूर्णिमादेखि साकेला उभौली चार्ड सुरु भएको छ । यो बर्ष पनि किरातीहरुले यो पर्वलाई...

माङसेबुङ ६ मा पाँच दिने आधारभूत उद्घोषण तालिम सुरु

दमक, झापा । इलामको माङसेबुङ गाउँपालिकामा पाँच दिने आधारभूत उद्घोषण तालिम सुरु भएको छ । वडास्तरीय महिला समन्वय समितिको आयोजनामा मंगलबार देखि माङसेबुङ ६, चिसोपानी स्थित बाँझो स्वास्थ्य कार्यालयको सभाहलमा उक्त तालिम सुुरु भएको हो ।...

किरातीहरुले मनाउँदै उभौली

ललितपुर, १० जेठ । किरात जातीहरुले हरेक वर्ष वैशाख शुक्ल पूर्णिमाका दिन भूमेस्थानहरुमा पूजा आराधना गरी उभौली मनाउँदैछन् । बालीनाली लगाउनुअघि विभिन्न गाउँठाउँमा रहेका भूमेस्थान लगायत प्राकृतिक स्थलहरुमा राम्रोसँग फलोसफुलोस् भनी प्रकृतिको पूजा आराधना गरिने...