ताप्लेजुङ्। संघीय लोकतान्त्रिक राष्ट्रिय मञ्च अन्तर्गतको संघीय लिम्बुवान मञ्च, नेपाल आठराई त्रिवेणी ३ हाङ्पाङमा समिति गठन भएको छ । शनिबार सम्पन्न भेटघाट तथा अन्तरक्रिया कार्यक्रममा सञ्जय यक्सोको अध्यक्षतामा १४ सदस्यीय समिति गठन भएको हो ।

लिम्बुवान मञ्चका जिल्ला सचिवालय सदस्यद्वय मिलन यक्सो र विनय आङ्बुहाङ्को उपस्थितिमा उक्त कार्यक्रम सम्पन्न भएको थियो । समितिको उपाध्यक्षमा अम्बिका सेम्बु, सचिवमा ज्ञानेन्द्र यक्सो, सहसचिवमा सन्तकुमार यक्सो, अर्थसचिवमा विश्वराज याक्सो चुनिएका छन् । त्यसैगरी समितिको सदस्यहरुमा शुक्रराज साँबा, युगल चोङबाङ, सेसेहाङ सेरेङ, विरेन यक्सो, मनोज यक्सो, बुतल यक्सो, खगेन्द्र यक्सो, ठुलीराम बराईली र सुमन यक्सो रहनु भएको छ ।

सो अन्तरक्रिया तथा भेटघाट कार्यक्रममा मञ्चको राजनीतिक एजेण्डा पुस्तिका वितरण गरिएको थियो । साथै कार्यक्रमले राजेन्द्र यक्सो, ज्ञानेन्द्र यक्सो, प्रेम यक्सो र इन्द्रबहादुर यक्सोलाई समितिको सल्लाहकारको जिम्मेवारी दिइएको मञ्चका जिल्ला सचिव अशोक मादेनले जानकारी दिएका छन् ।