लिम्बुवानखबर, १९ फाल्गुन । हिमाली क्षेत्रमा बसोबास गर्ने शेर्पालगायतका समुदायहरुले आज ग्याल्पो ल्होछार (नयाँ वर्ष) आफ्नो मौलिक चार्डको रुपमा विभिन्न पारम्पारिक मौलिक संस्कृति अुनसार धुमधाम मनाउँदैछन् । ग्याल्पो ल्होछार बौद्धधर्मावलम्बीहरुको पर्व हो ।
शेर्पा जातीहरुको फाल्गुन शुक्ल प्रतिपदाका दिनदेखि यो ल्होसार अर्थात् नयाँ वर्ष सुरु हुन्छ । यो बर्ष बाँदर वर्ष पूरा भई चरा वर्ष लाग्ने शेर्पा संस्कृतिविद् बताउँछन् ।
शेर्पा संस्कृतिअनुसार मुसा, गोरु, बाघ, खरायो, ड्रागन, सर्प, घोडा, भेडा, बाँदर, चरा, कुकुर र सुँगुर गरी १२ वर्ष हुन्छ, बालक जुन वर्षमा जन्मेको हुन्छ त्यसकै आधारमा उसको जीवनका धार्मिक क्रियाकलाप सञ्चालन हुन्छ ।
सरकारले फाल्गुन १६ गते बसेको मन्त्रीपरिषद बैठकको निर्णय अनुसार आज सार्वजनिक विदा दिएको छ । बुधबार गृहमन्त्रालयले एक सूचना प्रकाशित गर्दै ग्याल्पो ल्होछारका अवसरमा सरकारले सार्वजनिक बिदा दिएको हो ।
Related