दमक, २० फाल्गुन । संघीय लोकतान्त्रिक राष्ट्रिय मञ्च अन्तर्गत संघीय लिम्बुवान प्रान्तीय मञ्च, नेपालको प्रान्तीय कार्यालय फाल्गुन २५ गतेबाट शुभारम्भ गरिने जनाइएको छ । मञ्चका संघीय अध्यक्ष कुमार लिङ्देन मिराकको उपस्थितिमा कार्यालय शुभारम्भ गर्ने बताइएको छ ।

मञ्चको प्रान्तीय कार्यालय विगतमा इटहरीमा रहेको थियो । प्रान्तीय कार्यालयलाई सहज र सरलढंगबाट संचालन गर्न सजिलो र नौं वटा जिल्लालाई केन्द्र मानेर विगतमा लामो समय दमक मै कार्यालय रहेर काम गर्न सजिलो भएको हुँदा गत मंसिरको तेस्रो प्रान्तीय अधिवेशन सम्पन्न पश्चात बसेको पदाधिकारी बैठकले दमकबाटै कार्यालय संचालन गर्ने निर्णय भई कार्यान्वयनमा जुटेको स्रोतले बताएको छ ।

मञ्चका प्रान्तीय कार्यालयले जिल्ला, क्षेत्र, नगर र वार्ड, टोल लगायत जनवर्गीय संगठनहरुलाई चलायमान गर्ने महत्वपूर्ण कार्यहरु यो कार्यलयबाट हुने जनाइएको छ । स्थानीय लगायत सबै निर्वाचनलाई लक्षित गर्दै कार्यालय नयाँ व्यवस्थापनका साथ अघि बढाउने प्रान्तीय महासचिव भानु भट्टराईले बताए । कार्यालयबाट मुख्य गरी संगठन स्कुल र प्रशिक्षण लगायत नेतृत्व विकास गर्ने जस्ता अति महत्वपूर्ण कार्यक्रमहरु प्रत्येक महिना ४ देखि ५ वटा अभिमुखीकरण कार्यक्रमहरु संचालन गर्ने तयारी समेत भईरहेको उनले बताए ।

पार्टी संगठनलाई गाउँगाउँ पु¥याउने, पार्टीको संघीय सामुदायिक समाजवाद, संघीय सहअस्तित्ववाद र संघीय इकोइकोनोमी विचारधारालाई जनताको घरघरमा पु¥याउँदै नयाँ राजनीतिक विचार संस्थागत गर्न नेताहरुलाई क्रियासिल बनाउन यो कार्यालयको प्रमुख लक्ष्य रहेको समेत उनको भनाइ छ ।