मेयङलुङ, २० फाल्गुन । किरात याक्थुङ चुम्लुङ तेह्रथुमको विभिन्न कार्यक्रमहरु सम्पन्न भएका छन । जिल्ला चुम्लुङहिममा सम्पन्न कार्यक्रममा छात्रवृत्ति वितरण, मेयङलुङ चुम्लुङ नगर समितिको कार्यलय उद्घाटन लगायतका कार्यक्रमहरु भएको थियो ।

चुम्लुङ तेह्रथुम अध्यक्ष सेसेहाङ हुक्पाचोङबाङको अध्यक्षतामा सम्पन्न कार्यक्रममा छात्रवृत्ति तर्फ किरात याक्थुङ चुम्लुङ केन्द्रिय कार्यालयमा स्थापित सुमित्रा वान्तावा आङ्देम्बे छात्रवृत्ति कोषबाट श्री सिंहवाहिनी माध्यमिक विद्यालय मेयङ्लुङ्मा अध्ययनरत विद्यार्थी कक्षा ८ का छात्रा विनु लिम्बू निङ्लेकु र कक्षा ११ का छात्रा करुणा लिम्बू खापुङलाइ क्रमश रु ५०००/अक्षरेपी पाँच हजार र रु ७०००/ अक्षरेपी सात हजार रुपैया चुम्लुङ लिम्बुवान प्रदेश समिति उपाध्यक्ष टंकमाया तिगेला र चुम्लुङ जिल्ला सल्लाहकार इन्द्रबहादुर तुम्बाहाङ्फेको हस्तबाहुली बाट वितरण कार्यक्रम सम्पन्न गरियो ।

त्यसै गरि कियाचु मेयङलुङ नगर कार्यसमितिको कार्यालय चुम्लुङ हिम तेह्रथुममै रहने गरि लिम्बुवान प्रदेश उपाध्यक्ष टंअकमाया तिगेलाले उद्घाटन गर्नुभएको थियो । त्यस्तै आज नै जिल्ला चुम्लुङ्मा मनोनीत गर्न बाकी ४ सदस्यहरु स्वयम सिङ्जागो, डम्बर पङयाङ्गु, मोहन सिह सिङगक र करिना थलङलाई जिल्ला सदस्यमा मनोनीत गरेको छ भने जिल्ला चुम्लुङ ७ सदस्यीय समेत गठन गरेको छ उक्त सदस्यहरुमा क्रमश खिनराज इम्सङ, सुमन सेने, राजकुमार खापुङ, युनिका लिम्बू, मदन लिम्बु बम ब लिम्बू र लोक ब. लिम्बू रहनुभएको छ । कार्यक्रममा चुम्लुङ जिल्ला पदाधिकारी सदस्य तथा नगर समिति लगायतको उपस्थिति रहेको थियो ।