धरान, २४ फाल्गुन । संघीय लोकतान्त्रिक राष्ट्रिय मञ्च अन्गर्त संघीय लिम्बुवान महिला मञ्च सुनसरी जिल्ला समिति र धरान उपमहानगरपालिका समितिले संयुक्त रुपमा र्‍याली निकालेका छन् । मंगलबार ११२औं विश्व श्रमिक महिला दिवसको अवसरमा धरान उपमहानगरले आयोजना गरेको सम्मान कार्यक्रममा सहभागी हुन मञ्चले र्‍याली निकालेको हो ।

महिलाहरु प्रति लैगिंक, सांस्कृतिक, सामाजिक, शारीरिक विभेदको अन्त्य गर्न प्ररित गर्न ¥यालीमा सहभागी भएका लिम्बुवान महिला मञ्चका नेतृहरु बताउँछन् । महिलाहरु चुलोचौकोबाट बाहिर निस्किएर समाज र देश परिवर्तनको लागि राजनैतिक पार्टीमा आबद्ध भई झण्डा बोकेर सडकसम्म निस्कन बाध्य छन् ।

महिला हिंसा अन्त्य गर्ने नयाँ संरचना बनाउनु पर्नेमा जोड दिदैं महिला नेत्रीहरुले समाज परिवर्तन गर्न मुख्य रुपमा महिलालाई पूर्ण अग्राधिकार दिनु पर्ने । संघीय शासन प्रणालीमा हरेक निकायमा बराबर रुपमा सहभागी गराउन संविधान मै ग्यारेन्टी गरिनु पर्ने । बलत्कार जस्तो जघन्य अपराध गर्ने अपराधिहरुलाई कसुर ठडिए मृत्यु दण्ड जस्तो सजाय समेत दिनेखालको कानुन संसोधन गरि लागू गर्नेपर्नेमा जोड दिएका छन् ।

र्‍याली बिभिन्न नाराहरू लेखिएकाे प्ले कार्ड समेत सहभागी महिलाहरूले बाेकेका थिए ।