लिम्बुवानखबर, २८ फाल्गुन । संघीय लोकतान्त्रिक राष्ट्रिय मञ्च मातहतको संघीय लिम्बुवान प्रान्तीय मञ्च, नेपालको प्रवास समिति संघीय लिम्बुवान सामाजिक मञ्च कतारको पहिलो सचिवालय बैठकले विभिन्न प्रकृतिका पिडितहरुका लागि नेपाली ४० हजार रुपैयाँ सहयोग गरेको छ ।
मञ्चका अध्यक्ष रेखा राई खामसामाको अध्यक्षतामा बसेको सचिवालय बैठकले सांगठानिक महत्वपुर्ण विषयहरुमाथि घनिभुत छलफल तथा निर्णयहरु गर्नका साथै मञ्चले तेह्रथुम जिल्ला, लालिगुरास गापा घर भई मृगौला पिडित जानुका सेनेहाङ, पान्थर फालेलुङ गा.पा. ३ घर भई अग्नी पिडित निलिमा केरुङ, पान्थर फालेलुङ १ घर भई ब्रेन ट्युमरका रोगि कुमारी आङथुपो र इलाम जिल्ला माइनगर घर भई अशोक मगर लगायतलाई १०/१० हजारका दरले जम्मा ४० हजार नेपाली रुपैंया सहयोग गरेको हो ।
संघीय लोकतान्त्रिक राष्ट्रिय मञ्च, संघीय लिम्बुवान मञ्च नेपालको प्रवास कार्यसमिति संघीय लिम्बुवान समाजिक मञ्च कतारले प्रवास देखि घरबास सम्म जानकारीमा आएका पिडितहरुलाई विभिन्न समयमा सहयोग गर्दै आईरहेको छ ।
Related