लिम्बुवानखबर, २८ फाल्गुन । पान्थरको मिक्लाजुङ गाउँपालिका स्थित थामडाडामा मेक्खिमलुङमा राष्ट्रिय विभूति महागुरु फाल्गुनन्दको शालिक बन्ने भएको छ । साथै सोही स्थानमा युमा माङहिमको पनि शिलान्यास भएको छ ।
शुक्रबार पान्थरको मिक्लाजुङ २ र ४ को संगमस्थल बेहुली ढुङ्गा (मेखिम लुङ)मा किरात धर्मगुरु आत्मानन्द लिङदेन गुरुआमा पवित्रहाङमा साँवा लिङदेनको हस्तबाहुलिबाट माङ्हिम र प्रतिमा शिलान्यास भएकोे हो ।
थामडाँडामा फाल्गुनन्दले सूर्य अवलोकन गर्नुभएको स्थान र मेक्खिमलुङ (बेहुली ढुङ्गा) वर्तमन गुरु आत्मानन्द र गुरुआमा पबित्रहाङमा लिङ्देनले अवलोकन समेत गर्नुभएको थियोे ।
कार्यक्रममा किरात चोत्लुङ अङसिमाङगेन्ना सेवाका अध्यक्ष केहेरसिं योङहाङ, गुरु पूर्व निजी सचिव नविन लिङदेन माङमिङसोहाङ, गुरु निजी सचीवहरु खड्ग साम्बा, टंक लिङ्देङ गुरुनिजी आश्रम कृषि समितिका अध्यक्ष टिकाराम केरुङ, माङ्सेबुङ हेरिटेज प्रा.लि. अध्यक्ष शेरबहादुर लाओती, गुरु निजी कानुनी सल्लाहकारद्धय भिम खत्री, एन.एस फागो, मिक्लाजुङ गापा उपाध्यक्ष उर्मिला राइ वडा नं.२ को अध्यक्ष सन्तोस सेर्मा,लगायत किरात धर्मावलम्बीहरुको बाक्लो उपस्थिति रहेको थियो ।
कार्यक्रम मिक्लाजुङ गाउँपालिकाका अध्यक्ष अमरराज माखिमको अध्यक्षतामा भएको थियो । प्रतिमा प्रदेश सरकारको ४० लाख र पालिकाको २२ लाख रुपैयाँ लगानीबाट निर्माण हुने पालिकाका अध्यक्ष माखिमले बताएका छन् ।
Related