लिम्बुवान मञ्चको झापा निर्वाचन क्षेत्र ४ को क र ख अधिवेशनसम्पन्न : किरण र निङ्लेकु बने क्षेत्रीय अध्यक्ष

 लिम्बुवान न्युज
                       

शिवसताक्षी, ५ चैत्र । संघीय लोकतान्त्रिक राष्ट्रिय मञ्च अन्तर्गत संघीय लिम्बुवान प्रान्तीय मञ्च, नेपाल झापा जिल्ला क्षेत्र नं. ४को प्रदेश निर्वाचन क्षेत्र क र ख को अधिवेशन सम्पन्न भएको छ ।

शनिबार झापाको दुधेस्थित आदिवासी भवनमा मञ्चका संघीय अध्यक्ष कुमार लिङदेन मिराकको प्रमुख आतिथ्यतामा आयोजित कार्यक्रमले क र ख प्रदेश निर्वाचन समिति बनेको हो ।

शिवसताक्षीका खम्बा पार्टीका जुझारु नेता किरण लिङ्देन ख को अध्यक्ष बनेका हुन् भने क को अध्यक्ष युवा नेता देवीबहादुर निङलेकु प्रताप बनेका छन् । कार्यक्रममा मञ्चका उपाध्यक्ष ज्ञानुहाङ इम्बुङ, विष्णु यक्सो, संघीय अर्थसचिव सुर्यमान आङबुहाङ, प्रान्तीय महासचिव भानु भट्टराई, सचिवहरु भक्त मेन्याङबो, राजु राई, भिम सुनुवार, धनबहादुर पन्धाक लगायत नेताहरुले शुभकामना मन्तव्य राखेका थिए ।

निङ्लेकुको अध्यक्षतामा बनेको निर्वाचन क्षेत्र क मा उपाध्यक्षहरु झनहाङ चेम्जोङ, मानकुमा जवेगु, हेमकुमार राई र अरुण राई त्यसैगरी सचिवमा शिव सेर्मा र अर्थसचिवमा सन्त शेर्मा निर्वाचन भएका छन् । यसरी नै सदस्यहरुमा कमल राई, तिलकुमार सेर्मा, विष्णुकुमार लिम्बु लक्सम, सान्ता वि.क., ज्ञान बहादुर सेर्मा, पदम राज राई, तेज बहादुर सेर्मा, मनकुमार तुम्बापो, रामकुमार लिम्बु, बहादुर सेर्मा, छत्र थेवे, इन्द्र बहादुर सेर्मा, देनसरी राजवंशी, ज्ञानुहाङ सेर्मा, जितेन येक्तेन, विमला ताजपुरिया, पुष्पा ताजपुरिया र देवीमाया लावती रहेका छन् ।

यसैगरी लिङदनको अध्यक्षतामा बनेको निर्वाचन क्षेत्र ख मा उपाध्यक्ष अमर योङहाङ, सचिवमा नाम्साङ सिगु उदय, सहसचिवमा गोविन्द साँवा र अर्थचिवमा सुस्मिता लिम्बु निर्वाचित भएका छन् । यसरी नै सदस्यहरुमा सञ्जय सिगु, निवजय योङहाङ, अर्जुन राई, राजकुमार मेन्याङबो, लक्ष्मण योङया, दिलिप ऋषिदेव, विकास जवेगु, कविता लिम्बु, टिका लिम्बु, चन्द्र लिम्बु, अमर बहादुर लिम्बु र जानुका लिम्बु रहेका छन् ।

कार्यक्रमलाई सम्बोधन गर्दै अध्यक्ष लिङ्देनले स्थानीय चुनावमा निर्वाचन आयोगले चुनाव चिन्ह दिने निर्णय गरेसँगै उत्साह आएको हुँदा सबै नेताहरु चुनाव केन्द्रित हुन अनुरोध गरेका छन् भने सबैभन्दा महत्वपूर्ण कुरा आन्दोलन भएको हुँदा एकात्मकवादीहरुको विरुद्ध भयङकर आन्दोलन समेत गर्नु पर्ने भएको हुँदा हाम्रो पार्टी आन्दोलनकारी पार्टी भएको हुँदा परिवर्तनको लागि सबै जुट्न आव्हान गरेका छन् ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...