कोशी प्रदेश खारेजीको माग गर्दै वडा कार्यालयमा तालाबन्दी, आन्दोलनले गति लिर्दै

 लिम्बुवान न्युज
                       

काठमाडौं, २२ फाल्गुन । ‘कोशी प्रदेश’ खारेजीको माग गर्दै वडा कार्यालयमा तालाबन्दी गरिएको छ । किरात धर्मावलम्बीहरुको आस्थाको केन्द्र मानिएको इलाम माङसेबुङ ५ को वडा कार्यालयमा आन्दोलनकारीहरुले तालाबन्दी गरेका हुन् ।

त्यस्तै माङसेबुङकै अर्को वडा नम्बर ३ ले सञ्चालन गरेको सेवा केन्द्र रहेको भञ्जाङमा समेत तालाबन्दी गरिएको जनाईएको छ ।

माङसेबुङस्थित नागरिक समाज र प्रदेश नम्बर १ लाई पहिचान सहित पुनः नामाकरण अभियान समितिले पहिचानको आधारमा प्रदेशको नामाकरण नगरिएको विरोधमा वडामा तालाबन्दी गरेको जनाएको छ ।
नागरिक समाजका अगुवा मनकुमार आङ्बुहाङले माङसेबुङमा तालाबन्दी सुरु भएको जानकारी दिएका छन् । उनले केही दिनभित्रै माङसेबुङ र माई नगरपालिकाका सबै वडा र कार्यपालिकाहरुमा तालाबन्दी गरिने बताए ।
आइतबार आन्दोलनकारीहरुले माङसेबुङको बुधबारेस्थित यलम्बर चोक र भञ्जाङ वरिपरी मोटरसाइकल र्यालीसहित कोणसभासमेत गरेका छन् ।

आयोजित कोणसभामा अभियानका तर्फबाट केहरसिंह योङहाङ, होम लिङ्देनले बोलेका थिए । त्यस्तै नागरिक समाजको तर्फबाट चनाहाङ शेर्मा र पूर्ण कर्कीढोली, जुनु माखिम लगायतले बोलेका थिए ।

वक्ताहरुले पहिचानको आधारमा प्रदेशको पुनः नामाकरण ‘लिम्बुवान किरात’ गर्नुपर्ने माग गर्दै सो माग सम्बोधन नभएसम्म आन्दोलन नरोक्किने दावी गरेका थिए । उनीहरुले यस आन्दोलनलाई विस्तार गर्दै प्रदेशव्यापी बनाइने समेत चेतावनी दिए ।

कोशी प्रदेश मान्दैनौं, किरात प्रदेश घोषणा गरे, लिम्बुवान प्रदेश घोषणा गर लगायत नाराबाजीसहित गरएको प्रदर्शनमा ‘कोशी प्रदेश’ लेखिएको कागजसमेत जलाइएको थियो ।

झापाको दुधे, पान्थरकाे फिदिम र इटहरीमा पनि प्रदर्शन

त्यसैगरी झापाको दुधे, पान्थरकाे फिदिम र इटहरीमा पनि कोशी प्रदेश खारेजीको माग गर्दैै प्रदर्शन भएको छ ।

लिम्बुवान किरात संयुक्त संघर्ष समितिले कोशी प्रदेश विरोध प्रदर्शन कार्यक्रमको आयोजना गरी प्रदर्शन गरेका हुन् ।

प्रदर्शनकारीहरुले प्रदेशको नाम कोशी खारेज गर्नुपर्ने र पहिचानको आधारमा लिम्बुवान–किरात प्रदेश नामकरण गर्नुपर्ने भन्दै नाराबाजीसमेत गरेका थिए ।

पहिचानवादी एक हौं, मुख्यमन्त्री हिक्मतकुमार कार्की मुर्दाबाद, कोशी प्रदेश मान्दैनौं लगायतका नारा लगाएका थिए ।
प्रदेश सभाले फागुन १७ गते कोशी प्रदेश नामाकरण गरेसँगै त्यसको विरुद्ध आन्दोलनले गति लिर्दै गरेको छ । लिम्बुवान किरात संयुक्त संघर्ष समिति लगायत राजनैतिक दलहरुले पनि आन्दोलनलाई चरणबद्ध रुपमा अघि बढाउँन विभिन्न तयारीहरु भईरहेको बताइएको छ ।

सम्बन्धित समाचार

फाल्गुन १७ प्रदेश १ को अध्यारो दिन, १ बर्ष पुरा

दमक, १८ फाल्गुन । १ नम्बर प्रदेशको नामाङकन पहिचान नामेट हुनेगरी कोशी प्रदेश कायम गरिएको १७ फाल्गुनमा एक वर्ष पूरा भएको छ । गत वर्षको फागुन १७ गते प्रदेश १ को नाम प्रदेश सभाले चोरबाटोबाट...

दमकमा आजबाट दुई दिने याक्थुङ साम्लो महोत्सव हुँदै

दमक, १८ फाल्गुन । झापाको दमक ७ स्थित पशुहाटमा आज(शुक्रबार)बाट दुईदिने याक्थुङ साम्लो महोत्सव २०८० सुरु हुदैंछ । याक्थुङ् लिम्बू कलाकारहरुको गौरवशाली छाता संगठन फक्ताङलुङ साँस्कृतिक मञ्च केन्द्रीय कार्य समितिको आयोजनामा आज र भोलिसम्म सञ्चालन...

मनकुमार तुम्सा कियाचु जापानकाे अध्यक्षमा निर्वाचित

जापान । किरात याक्थुङ चुम्लुङ जापानको छैटौँ महाधिवेशन भव्यताका साथ सम्पन्न भएको छ। टोकियो ओकुबो स्थित काठमाडौँ लञ्च एण्ड बारमा सम्पन्न महाधिवेशनले मन कुमार तुम्साको नेतृत्वमा २५ सदस्यीय नयाँ कार्यसमिति चयन गरेको छ । कियाचु...

इतिहास सच्चाउन माग गर्दै फाेनिजकाे ७ दिने अल्टिमेटम

विर्तामाेड, झापा । नेपाल आदिवासी जनजाति पत्रकार महासंघ (फोनिज) झापा शाखाले नेपाल पत्रकार महासंघको संस्थापक अध्यक्ष सम्बन्धि गलत इतिहास सच्याउन माग गर्दै ७ दिने अल्टिमेटम दिएको छ । विभिन्न तथ्यका आधारमा नेपाल पत्रकार महासंघको संस्थापक अध्यक्ष...