लोक गायक एलपी जोशीको निधन
दमक, ११ असार । दमक निवासी लोकप्रिय लोक गायक लक्ष्मीप्रसाद (एलपी) जोशीको निधन भएको छ । बिहीबार ८८ वर्षीया गायक तथा गीतकार जोशीको झापाको विर्तामोडमा निधन भएको हो । वि.सं. १९९३ सालमा धनकुटा बजारमा जन्मिएका...
काठमाडौं, २५ फागुन । जनता समाजवादी पार्टी नेपाल (जसपा)ले संसदीय दलका नेता रामसहाय प्रसाद यादवलाई उप–राष्ट्रपतिको उम्मेदवार बनाउने निर्णय गरेको छ ।
बिहीबार ललितपुरस्थित बालकुमारीमा बसेको केन्द्रीय कार्यकारिणी समितिको बैठकले यादवलाई उप–राष्ट्रपतिको उम्मेदवार बनाउने निर्णय गरेको हो ।
यादव बारा क्षेत्र नम्बर २ बाट प्रत्यक्षमा निर्वाचित सांसद हुन् । आठ दलीय राजनीतिक संयन्त्रले नेपाली कांग्रेसलाई राष्ट्रपति र जसपालाई उप–राष्ट्रपति दिने समझदारी अनुसार यादव उम्मेदवार बनेका हुन् ।
कांग्रेसका तर्फबाट सिफारिस भएका रामचन्द्र पौडेल राष्ट्रपतिमा निर्वाचित भइसकेका छन् । निर्वाचन आयोगका अनुसार उप–राष्ट्रपति पदको उम्मेदवारमा फागुन २७ गते मनोनयन छ । उप–राष्ट्रपतिको चैत ३ गते निर्वाचनको कार्यतालिका रहेको निर्वाचन आयोगको कार्यतालिका रहेको छ ।
बारामा रिक्त हुने क्षेत्र नं. २ बाट जसपाका अध्यक्ष उपेन्द्र यादव उम्मेदवार बन्ने तयारीमा छन् । उपेन्द्र सप्तरीबाट प्रतिनिधिसभा निर्वाचनमा पराजित भएका थिए । पराजित भएका अध्यक्ष यादव प्रतिनिधिसभामा छिर्न निकै जोडबल गरेका छन् ।
