दमक, २८ फागुन । कोशी प्रदेश नामाकरण खारेजीको माग गर्दै आन्दोलित प्रदेश नं. १ पुनःनामाङ्कन संयुक्त संघर्ष समितिले आज आह्वान गरिएको प्रदेश १ आमहडतालको प्रभाव प्रदेशको १४ वटै जिल्लामा परेको छ ।
सबै सरकारी कार्यालय, यातायात र शैक्षिक क्षेत्र समेत बन्द गर्न आग्रह गर्दै प्रदेश १ पुनः नामाङकनको माग गर्दै आन्दोलनकारीह आम हड्तालमा उत्रिएका हुन् ।
नेपाल आदिवासी जनजाति महासंघको समन्वयमा किरात राई यायोक्खा, किरात याक्थुङ चुम्लुङ्, सुनुवार समाज, याक्खा छुम्मा, शेर्पा लगायत प्रदेशमा क्रियासिल सबै जातीय संघ संस्था, संघीय लोकतान्त्रिक राष्ट्रिय मञ्च, जनता समाजवादी पार्टी, राष्ट्रिय जनमुक्ति पार्टी, नेकपा एस, नेकपा माओवादीका भातृ संगठन लगायत विभिन्न संगठनहरुको संयुक्त आव्हानमा आम हड्ताल भएको हो ।
ताप्लेजुङको सदरमुकाम फुङ्लिङ्, पान्थरको फेदेन, इलाम बजार, झापाको प्रमुख शहरहरु काकरभिट्टा, विर्तामोड, दमक, भद्रपुर, प्रदेश राजधानी विराटनगर लगायत मोरङको प्रमुख शहरहरु उर्लाबारी, पथरी, बेलबारी, लेटाङ् त्यसैगरी सुनसरीको इटहरी, धरान लगायत प्रमुख शहरहरु, धनकुटाको धनकुटा बजार, चौबिसे त्यसैगरी तेह्रथुमको सदरमुकाम म्याङलुङ, लालीगुराँस, छथर शुक्रबारेबजार, संखुवासभाको खाँदबारी, चैनपुर, उदयपुरको बेलटार, गाइघाट लगायत, सोलुखुम्बु, ओखलढुंगा, भोजपुर र खोटाङ् लगायत सबै क्षेत्रमा बजार बन्द रहेको छ भने यातयातका साधनहरु चल्न सकेको छैन ।
प्रदेशको राजधानी विराटनगरमा समेत बन्द शान्तिपूर्ण रहेको कियाचू अध्यक्ष निरन्ती तुम्बापोले आफ्नो सामाजिक संजालमा उल्लेख गरेकि छिन् । यसैगरी कियाचू प्रदेश अध्यक्ष मधु कुरुङ्ले पनि आफ्नो सामाजिक संजाल मार्फत मेची राजमार्गमा कुनै पनि सवारी साधनहरु नगुढेको पान्थरमा बन्दले प्रभाव पारेको उल्लेख गरेका छन् ।
यसैगरी संघर्ष समितिले आगामी चैत्र ५ गते कोशी प्रदेश नामाकरण खारेजीको माग गर्दै प्रदेश राजधानी विराटनगरमा बृहत जनप्रदर्शन गर्ने जनाएको छ ।
ललितपुर, २७ पुष । किरात याक्थुङ चुम्लुङ लिम्बुवान प्रदेश समितिको तेस्रो अधिवेशन हुने भएकाे छ । कियाचु प्रदेश समितिका अनुसार माघ ३ गते सुनसरीकाे धरान उपमहानगरपालिकास्थित चुम्लुङ हिममा अधिवेशन गर्ने जनाइएकाे छ । आयोजक समितिले...
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७