कोशी प्रदेश खारेजीको माग गर्दै १४ जिल्लामा आमहड्ताल सम्पन्न

 लिम्बुवान न्युज
                       


दमक, २८ फागुन । प्रदेश नं. १ को नाम कोशी प्रदेश राखिएकोमा बिरोध गर्दै १४ जिल्लामा आमहड्ताल भएको छ । प्रदेश नं. १ को पुनः नामाङ्कनको माग गर्दै प्रदेश नं. १ पुनः नामाङकन संघर्ष समितिले आज आमहडताल गरेको हो ।

आज प्रदेशका १४ वटा जिल्लाका सदरमुकाम र प्रमुख शहरहरु बन्द भएको छन् । यसैगरी शैक्षिक संस्था, सरकारी निकायहरु लगायत सबै संस्थाहरु आन्दोलनकारीहरुले बन्द गर्न आव्हान गरेका थिए । बन्दकर्ताहरु विहानै देखि आन्दोलनमा सहभागी हुने क्रममा झापाको विभिन्न स्थानबाट पक्राउ परेका थिए ।

झापाको काकरभिट्टाबाट मित्र लिङदेन, विनोद न्यौपाने, निर्मला लिङदेन, देउमानहाङ लिम्बु, राज खम्बु, गौरीमान राई, कुमार साम्यु, सामी पालुङवा, कोपिला लावती र सुनिता लामा पक्राउ परेका थिए । यसरी नै काकरभिट्टाबाट ओमप्रकाश खापुङ र श्रवण मेचे, दमकबाट प्रेमदिप थाम्सुहाङ, रोशन तुम्बापो, महेन्द्र चाम्लिङ, याम लिम्बु, बेनुकुमार लिम्बु, दिपक लिम्बु, बन्दना नेम्बाङ, अबि चेम्जोङ, योगेश मादेन, डिगबहादुर मादेन र श्याम मादेन, यसरी नै चारआलीबाट लिम्बुवानका उपाध्यक्ष यलम्बर खम्बु, केर्खाबजारबाट ममता लिम्बु, साम्योक आङदेम्बे र दिलीप घताने र बुट्टाबारीबाट अर्जुन येक्तेन पक्राउ परेका थिए । उनीहरुलाई साँझ प्रहरीले रिहाई गरेको छ ।

झापा बाहेक अन्य जिल्लाहरुमा प्रहरीसँग मुठभेठ भएपनि पक्राउ नपरेको खबर प्राप्त भएको छ । प्रहरीको लठ्ठी प्रहारबाट कमल केर्खा सडकखण्डमा एल.भी. साम्योक आङदेम्बे घाइते भएको हुँदा वहाँको दमक अस्पतालमा उपचार भईरहेको कियाचू झापा अध्यक्ष सेसेहाङ फियाकले बताए ।

इटहरी पूर्व लोक मार्ग, कोशी मार्ग, मेची मार्ग लगायतका अन्य मध्यपहाडी, मदनभण्डारी, दमक चिसोपानी रवि सडक लगायतका मुख्य सडकहरुमा सवारी साधन ठप्प भएको संघर्ष समितिले जनाएको छ ।

यसैगरी प्रदेश नं. १ को राजधानी विराटनगर लगायत मुख्य शहरहरु धरान, इटहरी, दमक, विर्तामोड बजारहरु बन्द रहेको थियो । प्रदेश नामाकरण पहिचानको आधारमा गरिने पर्ने माग राख्दै संघर्ष समितिमा आबद्ध विभिन्न जातीय संघसंस्थाहरु, संगठनहरु र राजनैतिक दलहरुले आन्दोलनलाई निरन्तर अघि बढाउने चेतावनी दिदैं आगामी चैत्र ५ गते विराटनगरमा बृहत जनप्रदर्शन गर्ने जनाएको छ ।

विभिन्न स्थानहरूमा साँझ काेणसभा गर्दै उनीहरूले राज्यले आदिवासी जनजातिको पहिचानलाई नामेट पार्ने षडयन्त्र गरेको बताएका छन् । हामीले लामो समय देखि प्रदेश नामाकरण पहिचानको आधारमा हुनु पर्ने माग राख्दै आन्दोलन गरिरहेको तर हाम्राे आवाजलाई वेवास्ता गर्दै छापामारशैलीमा प्रदेशको नामाकरण गरिएकोमा आफूहरुको अपमान गर्ने प्रदेशको नाम खारेजीको माग गर्दै आन्दोलनमा उत्रनु परेकाे बताए ।

सम्बन्धित समाचार

संयुक्त पहिचानवादी मोर्चा भोक्राहानरसिंह गाउँपालिका गठन

सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...

केवलकार निर्माण नारोकिए कडा संघर्ष गर्ने चेतावनी

ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...

गंगा साउदेनको संयोजकत्वमा संयुक्त पहिचानवादी मोर्चा गठन

दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...

कोशी नाम खारेजी आन्दोलन साझा नाममा सहमति खाेज्ने र राजनीतिक संवाद गर्दै अघि बढाउने

ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...