काठमाडौ, ३ चैत्र । लिम्बु कथानक चलचित्र ‘सुगुत्’ को छायांकन सम्पन्न भएको छ । पान्थर, ताप्लेजुङका साथै भारतको आसाम लगायत विभिन्न ठाउँमा छायांकन गरि गत फागुन मसान्तमा सकिएको हो ।

चोक्फुङ इन्टरटेन्मेन्ट प्रा.लि. र खापुङ् फिल्मस् प्रा.लि.को संयुक्त प्रस्तुति रहेको चलचित्रमा सैलेन्द्र कुमार नाल्बो र रबिन कुमार नाल्बोको निर्माण रहेको छ भने लोकेन सांवाको निर्देशन रहेको छ ।

नारी प्रधान रहेको ‘सुगुत’मा मौसम इम्बुङ, बबिता नेयोङ, प्रेम सुब्बा, यासेली योङहाङ, सागर केरुङ, रुकमान लिम्बु, सुम्निमा खापुङ, योमन सोदेम्बा, कुमारी मेन्याङ्बो, निता लिम्बु, तिर्थ मादेम्बा, उदय बेघा, मन कुमार योङहाङ, सैलेन्द्र नाल्बो, रबिन नाल्बो, लिला सेत्लिङ, इन्द्र पधाक, दिनेश केरुङ, आशिस लिम्बु, इन्द सेर्पा लगायतका कलाकारहरुको अभिनय रहेको छ ।

अशोक लोहोरुङको संगीत, यासेली योङहाङ, जानु काम्बाङ, रिता फोम्बो ठुलि र सागर केरुङको गीत, राजेस पायल राई, अन्जु पन्त, सुनिता थेगीम, मनु नेम्बाङ, सुमन लिम्बु र रुकमान लिम्बुको स्वर रहेको चलचित्रमा देबेन्द्र खापुङको पटकथा, युवराज राइको छायांकन र किशोर सम्बाहाम्फेको द्वन्द्व निर्देशन रहेको छ ।

चलचित्र ‘सुगुत्’ आगामी सिसेक्पा तङ्नाम (साउने सक्रान्ती) सम्ममा प्रदर्शनमा ल्याइने निर्देशक सांवाले बताए ।