शहीद मनिल तामाङको १४औं स्मृति दिवस मनाइयो

 लिम्बुवान न्युज
                       

दमक, ७ चैत्र । राष्ट्रिय शहीद मनिल तामाङ्को १४औं स्मृति दिवसमा श्रद्धाञ्जली कार्यक्रम गरि विविध स्थानमा मनाइएको छ । २०६५ चैत्र ६ गते प्रहरीको गोली लागि धुलाबारीस्थित क्याम्पसमा शहादत्ता प्राप्त गरेका शहीद तामाङ्को स्मरण गर्दै स्मृति दिवस मनाइएको हो ।

शहीद राजकुमार आङदेम्बे माङतोक–मनिल तामाङ् स्मृति प्रतिष्ठान केन्द्रीय कार्यालयले धरानमा शहीदको फोटोमा माल्यार्पण गरी मौनधारण गर्दै मनाएका छन् । प्रतिष्ठानका अध्यक्ष ज्ञान बहादुर गुरुङ्को प्रमुख आतिथ्यतामा श्रद्धाञ्जली कार्यक्रम भएको हो । त्यसैगरी कार्यक्रममा संघीय लोकतान्त्रिक राष्ट्रिय मञ्चका उपाध्यक्षहरु एवी पन्धाक, भू.पु. डि.एस.पी. कृष्णमान थेवे, महासचिव अशोक चेम्जोङ् लगायत प्रतिष्ठानका सदस्यहरुको सहभागितामा कार्यक्रम सम्पन्न भएको छ ।

यसरी नै संघीय लिम्बुवान प्रान्तीय मञ्च जिल्ला कार्य समितिले शहीद मनिलको समाधिस्थल पृथ्वीनगर झापामा मञ्चका बरिष्ठ उपाध्यक्ष ज्ञानुहाङ इम्बुङ, उपाध्यक्ष यलम्बर खम्बु, विद्यार्थी नेता मोहन मावो लगायत नेताहरुको उपस्थितिमा मनिलको समाधिमा एकमिनट मौनधारण गरी श्रद्धाञ्जली सहित कार्यक्रम गरिएको जिल्ला उपाध्यक्ष राजा आङ्थुपोले जनाएका छन् ।

मञ्चले काठमाडौं केन्द्रीय कार्यालय, पान्थरको फेदेन लगायत विभिन्न स्थानहरुमा त्यसैगरी प्रवास समिति कतार लगायत अन्य प्रवासहरुमा समेत शहीद मनिल तामाङ्को बलिदानीलाई स्मरण गर्दै श्रद्धाञ्जली कार्यक्रम गरेका छन् ।

संघीय विद्यार्थी युनियन लगायतका पहिचान पक्षका विद्यार्थीहरुले स्ववियू निर्वाचन पूर्णसमानुपातिक प्रणालीबाट हुनु पर्छ भन्ने माग राखि शान्तिपूर्ण आन्दोलन गरी स्ववियू निर्वाचन रोक्ने क्रममा प्रहरीको गोली लागी तामाङ् शहीद भएका थिए । उनलाई नेपाल सरकारले १० लाख रुपैयाँ दिएको थियो ।

सम्बन्धित समाचार

विर्तामाेडमा प्रतिबन्धित औषधीसहित एकजना पक्राउ

दमक, २ साउन । झापाको बिर्तामोड नगरपालिका-५ स्थित एक औषधी पसलबाट ठुलो परिमाणमा भण्डारण गरी राखेको प्रतिवन्धित औषधी सहित अर्जुनधारा नगरपालिका ६ का २५ बर्षीय बिनोद घिमिरेलाई प्रहरीले नियन्त्रणमा लिएकाे छ । बिर्तामोड-५ स्थित  मनकुमार...

प्रथम ध्रुवतारा फूटसल प्रतियाेगिता हुँदै

दमक, २ साउन । झापाको दमकमा प्रथम ध्रुवतारा फुटसल प्रतियोगिता-२०८२ हुने भएको छ । आजबाट हुने साे प्रतियाेगिता भाेली  ३ गते सम्म संचालन हुनेछ ।  दुई दिनसम्म हुने साे प्रतियोगिता दमक ५ गोर्खाली टोलमा रहेको विष्ट फुटसलको कोर्टमा सञ्चालन हुने आयाेजकले जनाएकाे छ । ध्रुवतारा स्पोर्टिङ क्लब दमकको आयोजनामा हुने साे प्रतियोगितामा सहभागी टिमले  इन्ट्रि फि ६ हजार रुपैयाँ रहेको खेल संयोजक सन्दिप तामाङले बताए । उनका अनुसार यस प्रतियोगितामा प्रतिस्पर्धी टिमले ए डिभिजन खेलाडीहरु एक जना मात्र सहभागी गराउन सक्ने नियम रहेको छ । प्रतियोगिताको विजेताले नगद ७० हजार रुपैयाँ सहित ट्रफि र मेडल हात पार्ने छ भने उपविजेता टिमले नगद ३५ हजार रुपैयाँ सहित ट्रफि र  मेडलमा चित्त बुझाउनु पर्ने छ ।

प्रदेश नं. १ नामकरण बहसले लियो नयाँ मोड– अशाेक चेम्जाेङ्

दमक, ३२ असार । प्रदेश नं. १ को नाम कोशी नामाकरणसँगै प्रदेशका पहिचान पक्षधरहरु एकजुट भएर नाम खारेजी आन्दोलनमा लडेकाहरु यतिवेला नामको विषयमा पुनः आरोप प्रत्यारोपमा उत्रिएका छन् । सामाजिक संजालमा पहिचानवादी एकता अभियानको एक...

सरकारले प्रतिनिधिसभामा दुइतिहाइ गुमायाेः राष्ट्रिय सभामा अल्पमत

ललितपुर, ३२ असार ।  जनता समाजवादी पार्टी, नेपाल (जसपा)ले सरकारलाइ दिएकाे समर्थन फिर्ता लिएकाे जनाएकाे छ । सत्ता साझेदार दल जसपा, नेपालले भूमि विधेयकको अन्तर्वस्तुप्रति असहमति जनाउँदै बुधबार बसेको संसदीय दल बैठकले सरकारलाइ दिएकाे समर्थन फिर्ता ...