चैत्र २५ देखि संघर्ष समितिले निर्णायक आन्दोलन गर्ने

 लिम्बुवान न्युज
                       

दमक, १६ चैत्र । कोशी प्रदेश नाम खारेजको माग गर्दै आन्दोलन गरिरहेका पहिचानवादीले निर्णायक आन्दोलनका कार्यक्रम घोषणा गरेका छन् । प्रदेश नं १ पुनः नामाङकन संयुक्त संघर्ष समितिले चैत २५ गतेपछि प्रदेश राजधानी विराटनगर केन्द्रित निर्णायक आन्दोलन घोषणा गरेका हुन् ।

समितिले एसईई परीक्षालाई ध्यानमा राख्दै त्यसअघि आन्दोलन नगर्ने निर्णय गरिएको जनाइएको छ । विद्यालयहरुमा चैत १७ देखि २५ गतेसम्म एसईई परीक्षा हुँदैछ । परीक्षालाई प्रभावित हुन नदिन ध्यानकेन्द्रित गर्दै कार्यक्रम स्थगन गरिएको जनाइएको छ । परीक्षापछि निर्णायक आन्दोलन गर्ने समितिले तयारी गरेको बताइएको छ ।

चैत्र ५ गते विराटनगरको जनप्रदर्शनका क्रममा मृत्यु भएका मोरङका पदम लिम्बू लाजेहाङलाई सहिद घोषणा गरी क्षतिपूर्तिको सुनिश्चित नगरेसम्म शव पोस्टमार्टम नगरिने किरात राई यायोक्खाका उपमहासचिव अर्जुन जम्नेली राईले बताए । “सरकारलाई दवाव दिन चैत्र २५ गतेपछि भने निर्णायक आन्दोलन गर्ने निणर्य भएको छ ।” उनले भने । समितिले आन्दोलनबारे संयुक्त राष्ट्रसंघ, विदेशी कुटनीतिक नियोग र मानवअधिकार आयोगलाई आन्दोलनबारे औपचारिक जानकारी गराउने निणर्य गरेको छ ।

यसैगरी साहित्यिक कार्यक्रम, जिल्ला र नगर गाउँ जागरणका अभियान सञ्चालन गर्ने पनि तय भएको राईले बताउनुभयो । यस अवधिमा प्रदेशका सांसदका कार्यक्रममा अवरोध र बहिष्कार गर्ने कार्यक्रम भने जारी न्र रहने बताइएको छ । गत फागुन १७ गते प्रदेशसभाले प्रदेशको नाम कोसी राखेसँगै पहिचानवादी आन्दोलनमा छन् ।

यसैगरी स्थानीय तह तालाबन्दीलाई संघर्ष समितिले निरन्तर गरिरहेको छ । विहीबारमात्र धरान उपमहानगर, मिक्लाजुङ गाउँपालिका, केराबारी गाउँपालिका, झापाको शिवसताक्षी नगरपालिका, ताप्लेजुङको मेरिङदेन लगायत विभिन्न पालिका र वडापालिकाहरुमा तालावन्दी गरिएको संघर्ष समितिले जनाएको छ ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...