बेलबारी, १३ चैत्र ।  प्रदेश नं. १ काे नाम काेशी खारेजी आन्दोलनको सहिद पदमक कुमार लिम्बु सुक्वावा (लाजेहाङ)काे बेलबारीस्थित समाधीस्थलमा दाेस्राे स्मृति सभा सम्पन्न भएकाे छ ।

उक्त सभामा बाेल्दै संघीय गणतन्त्र रक्षाको लागि पहिचानवादी शक्तिले एक लाख युवा तयार गनुपर्ने प्रस्ताव गरेका छन् । स्मृति सभामा बाल्दै पहिचानवादी नेताहरुले सो कुरा बताएका हुन् ।

नेपाल जनमुक्ति पार्टीका अध्यक्ष केपी पालुङ्वा, संघीय लोकतान्त्रिक राष्ट्रिय मञ्चका संघीय अध्यक्ष कुमार लिङ्देन (मिराक), प्रदेश नं. १ पुनः नामाकरण अभियान समितिका संयाेजक डकेन्द्रसिंह थेगिम, किरात राइ यायाेक्खाका उपाध्यक्ष तिलकप्रसाद राई, किरात याक्थुङ चुम्लुङकी महासचिव निरन्ति तुम्बापो, जसपा नेपालका शान्ता मोक्तान, जसपाका तेजनारायण चौधरी, पहिचानवादी माेर्चाका  केदार धिमाल, अभियान समितका महासचिव रामभक्त कुरुम्बाङ, अर्जुन जम्नेली राइ लगायतले कोशी खारेजी आन्दोलनको प्रथम सहिद पदमकुमार लिम्बू (लाजेहाङ)को योगदान र पहिचान आन्दोलनबारे विचार व्यक्त गरेका थिए । काेशी खारेजी अान्दाेलन थप शसक्त र मजबुत बनाउदै प्रदेशकाे नाम खारेज गर्ने प्रतिबद्धताका साथ लाग्ने नेताहरूले बताएका छन् ।

कार्यक्रममा सहिद लाजेहाङको आमा धनमाया लिम्बू, दिदी, छोरा विश्व लिम्बू लगायतको उपस्थिति रहेको थियो ।
प्रदेश न. १ पुनः नामरकण संयुक्त संघर्ष समिति मोरङका सहसंयोजक डीबी कुरुम्बाङको सभापतित्वमा भएको कार्यक्रममा लाजेहाङको पक्कि समाधि स्थालमा फूलमाला चढाउनुको साथै वत्ति बालेर सम्मान जनाइएकाे थियाे ।