झापा। दुर्गापुर बजार व्यावस्थापन समितिले नयाँ कार्य समिति नपाएसँगै यहाँका सरोकारवालाहरुले नयाँ कार्य समिति बनाउन माग गरेका छन् । कन्काई वडा नं. ७ ले आफू खुशी बजार व्यवस्थापन समिति गठन गर्न खोजे पछि समस्या आएको हो ।

दुर्गापुर व्यापारी समितिका अध्यक्ष भुवानी शिवाकोटी, नेपाली कांग्रेसका कनकाई ७ का वडा सभापति इश्वरीप्रसाद शिवाकोटी, माओवादी केन्द्रका सहइन्चार्ज तथा दुर्गापुर बजार व्यावस्थापन समितिका सचिव राजु अधिकारी, नेकपा एमालेका पार्टी प्रतिनिधि शिवराज बस्नेत, संघीय लिम्बुबान मंच नेपालका अध्यक्ष तथा दुर्गापुर बजार व्यावस्थापन समितिका सदस्य बसन्त मेयाङबो र राप्रपाका प्रतिनिधि चन्द्र घिमिरेले प्रेस विज्ञप्ति प्रकाशन गर्दै दुर्गापुर बजार व्यावस्थापन समितिको समयसिमा सकिएपनि यस क्षेत्रका सरोकारवालाहरुले नयाँ समिति बनाउन भन्दा पनि आलटाल गर्दै आएको र वजार व्यावस्थापन समितिको अधिवेशनलाई वडाअध्यक्षले पछि सार्दै आएको आरोप लगाएका छन् ।

यसै विचमा बजारवासीलाई सुचना नदिई एकाएक नयाँ समिति बनाउन प्रयास गरेकोमा नगर प्रमुख राजेन्द्रकुमार पोखरेलसमक्ष डेलिकेशन गएको समेत विज्ञप्तीमा उल्लेख छ । पोखरेलको निर्देशनमा तत्कालका लागि एकाएक बन्न लागेको समिति बन्न रोकिएपनि अझैपनि वडाअध्यक्षले आफु अनुकुलको समिति गठन गर्न चाहिरहेको भन्दै स्वतन्त्र पूर्वक बजारवाशीलाई नयाँ समिति गठन गर्न समेत माग गरिएको छ ।