पत्रकार महासंघ प्रदेश १ मा ५५ जनाको उम्मेद्वारी

 लिम्बुवान न्युज
                       

विराटनगर। नेपाल पत्रकार महासंघको चैत्र २५ गते हुने निर्वाचनमा प्रदेश १ मा २१ पदका लागि ५६ जनाको उम्मेद्वारी मनोनयन भएको छ । निर्वाचन समितिले दिएको जानकारी अनुसार अध्यक्ष पदमा तीन जनाको उम्मेद्वारी परेको छ । मोहनकाजी, लिला बल्लभ घिमीरे र सोमनाथ सुसेलीले बिहीबार उम्मेद्वारी दर्ता गराएका हुन् ।

एक जना खुल्ला उपाध्यक्ष पदमा तीन जनाले उम्मेद्वारी दिएका छन् । खुल्ला उपाध्यक्षमा अर्जुन जम्नेली राई, रोहित कुमार राई र लवदेव ढुंगानाले उम्मेद्वारी मनोयन गरेका छन् । यसैगरी एक महिला उपाध्यक्षमा कोकिला ढकाल र हिमाकुमारी चेम्जोङ् दुई जनाको उम्मेद्वारी परेको छ । एक महासचिवमा भने चार उम्मेद्वारी दर्ता भएको छ । विवेक गौतम, फिपराज वेघा लिम्बु, बन्धु पोखरेल र शिशा राई (श्रीप्रसाद)ले उम्मेद्वारी दिएका छन् ।
यसरी नै खुल्ला सचिवमा तीन उम्मेद्वारी परेको छ । कौशल निरौला, देवेन्द्र कार्की र भक्तशेर लिम्बुले उम्मेद्वारी दर्ता गरेका छन् । यस्तै समावेशी एक सचिवमा सन्तवीर लामा र सन्तोष यादवको उम्मेद्वारी दर्ता गराएका छन् । यसरी नै कोषाध्यक्ष पदको लागि तीन उम्मेद्वार गणेश साम्पाङ राई, विमल लामिछाने ‘बुद्धि’ र सन्तोष रुचालले मनोनयन दर्ता गराएका छन् ।

पाँच खुल्ला सदस्यमा १३ जनाको उम्मेद्वारी परेको छ । कमल रिमाल, केशर बहादुर चौहान, केशव भट्टराई, गोपालप्रसाद पोखरेल, तेजेन्द्र भण्डारी, तोयानाथ भट्टराई, ध्रुव भट्टराई, मिनराज (प्रवास) उप्रेती, युवराज विवश, लिलाराज झापाली, सत्यनारायण शर्मा, सुमन गुरागाई र सुरेन्द्र भण्डारीले उम्मेद्वारी दिएका छन् । तीन जना महिला सदस्य पदमा ७ जनाको उम्मेद्वारी परेको छ । देविका चाम्लिङ राई, विनादेवी तामाङ्, विनु तिम्सिना, माला पालुङ्वा, शुभद्रा प्याकुरेल, सुमित्रा कोइराला र शुसीला पाठकले महिला सदस्यमा उम्मेद्वारी दिएका छन् ।

दुई आदिवासी जनजाति सदस्यमा उपेन्द्र चाम्लिङ, दिलकुमार लावती, विष्णु सुब्बा र यमन कुमार दनुवारले उम्मेद्वारी दिएका छन् । यस्तै दुई मधेशी सदस्यमा चन्दनकुमार रौनियार, प्रमोदकुमार यादव, फुलचन्द्र मेहता, ब्रम्हदेव यादव र सुर्यनारायण यादवको नाम दर्ता भएको छ । दलित सदस्यमा पिवी दियाली र रणध्वज लोहारले उम्मेद्वारी दर्ता गरेका छन् । यसरी नै अल्पसंख्यक सदस्यमा तालीव अन्सारी, लिलाबहादुर सुनुवार र विजय धिमालले उम्मेद्वारी दिएका छन् । यद्यपी तोकिएकै समयमा आज साँझ संयुक्त प्यानलका विभिन्न पदका वागी उम्मेद्वारहरुले नाम फिर्ता लिएको निर्वाचन स्रोतले जनाएको छ । याे समाचार तयार पार्दासम्म कुन-कुन पदका उम्मेद्वारहरूले मनाेनयन फिर्ता लिएका हुन पुष्टी हुन बाँकी रहेकाे छ ।

महासंघको २५ गते हुने चुनावमा प्रदेश १ मा रहेका कुल १ हजार ६ सय भन्दा बढी मतदाताहरु १४ वटा जिल्लाबाट चुनावमा सहभागी हुने निर्वाचन परिचालन समितिले जनाएको छ ।

 

सम्बन्धित समाचार

संयुक्त पहिचानवादी मोर्चा भोक्राहानरसिंह गाउँपालिका गठन

सुनसरी, ७ जेठ । संयुक्त पहिचानवादी मोर्चा भोक्राहानरसिंह गाउँपालिका समिती गठन भएको छ । रहमतुलम मन्सुरीको संयोजकत्वमा २९ सदस्य समिती गठन गरिएको हो । यसैगरी सहसंयोजकमा हसबुल मिया, सदस्य सचिवमा वादिल अन्सारी, सह-सचीवमा खतिजा खातुन...

केवलकार निर्माण नारोकिए कडा संघर्ष गर्ने चेतावनी

ललितपुर, ६ जेठ । मुक्कुमलुङ संरक्षण तथा केवलकार निर्माण खारेजी तत्काल नरोकिए कडा प्रतिवाद गर्ने चेतावनी दिएका छन् । केवलकार निर्माणलाई विकासको योजना भन्दै उपनिवेशीकरण, अतिक्रमण, मानवअधिकार उल्लंघन तथा जबर्जस्ती अगाडि नबढाउन ललितपुरमा आयोजित पत्रकार...

गंगा साउदेनको संयोजकत्वमा संयुक्त पहिचानवादी मोर्चा गठन

दमक, ६ जेठ । इलामको चुलाचुलीमा संयुक्त पहिचानवादी मोर्चा गठन भएको छ । मंगलबार चुलाचुलीस्थित आपझोलामा भएको एक कार्यक्रमले गंगा साउदेन लिम्बुको संयोजकत्वमा मोर्चा गठन गरिएको हो । उक्त कार्यक्रमले समितिको सहसंयोजकहरुमा विरमान तामाङ, विक्रम...

कोशी नाम खारेजी आन्दोलन साझा नाममा सहमति खाेज्ने र राजनीतिक संवाद गर्दै अघि बढाउने

ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति...